اسرائیلی فوجی قافلہ شام میں قنیطرہ کے دیہی علاقے میں داخل، متعدد مقامات کی تلاشی

ہفتہ 30 اگست 2025 15:49

دمشق(اُردو پوائنٹ اخبارتازہ ترین - این این آئی۔ 30 اگست2025ء)جنوبی شام میں اسرائیلی افواج کی جانب سے ایک نئی دراندازی سامنے آئی ہے۔ اس کے دوران درجنوں عسکری گاڑیاں جن میں اسرائیلی فوجی سوار تھے، قنیطرہ کے نواحی علاقے کے گائوں العشہ میں داخل ہو گئیں۔مقامی ذرائع کے مطابق ان فوجیوں نے متعدد مقامات اور گھروں کی تلاشی لی۔

(جاری ہے)

تاہم چند گھنٹوں بعد یہ فوجی وہاں سے واپس لوٹ کر دوبارہ مقبوضہ جولان کی حدود میں چلے گئے۔

ایک روز قبل قنیطرہ اور درعا کی فضاں میں اسرائیلی طیاروں کی کثیر پروازیں دیکھنے میں آئیں۔ اسی دوران اسرائیلی فوجی گاڑیاں قنیطرہ کے گاں مشرقی صمدانیہ میں گھس گئیں اور ایک گھر پر چھاپا مار کر اس کی تلاشی لی۔اسرائیلی فوج نے اپنے بیان میں کہا کہ جنوبی شام کے مختلف مقامات پر رات کے وقت کی گئی کارروائیوں میں متعدد دشمن عناصر کو گرفتار کیا گیا اور ہتھیار و دیگر جنگی وسائل برآمد کیے گئے۔