Live Updates

ممکنہ سیلاب سے متاثرہ علاقوں میں انخلا کا عمل جاری ہے، اسسٹنٹ کمشنر شجاع آباد

ہفتہ 30 اگست 2025 15:52

ملتان (اُردو پوائنٹ اخبارتازہ ترین - اے پی پی۔ 30 اگست2025ء) اسسٹنٹ کمشنر شجاع آباد سیدہ حمیرا شاہ کی سربراہی میں ممکنہ سیلاب سے متاثرہ علاقوں میں انخلا کا عمل جاری ہے، پولیس فورس کی مدد سے مکینوں کو محفوظ مقامات پر منتقل کیا جا رہا ہے۔تحصیل انتظامیہ نے عوام سے اپیل کی ہے کہ وہ انخلاکے عمل میں انتظامیہ کے ساتھ تعاون کریں۔

(جاری ہے)

اس حوالے سے اسسٹنٹ کمشنرنے کہا کہ ممکنہ سیلاب کے پیش نظر تمام محکمے الرٹ کر دیے گئے ہیں اور متعلقہ افسران و عملہ اپنی ڈیوٹیاں سرانجام دے رہے ہیں۔مزید برآں، فلڈ ریلیف کیمپس قائم کر دیے گئے ہیں جہاں متاثرہ افراد کے لیے ضروری سہولیات فراہم کی جا رہی ہیں۔ اسسٹنٹ کمشنر نے واضح کیا کہ انتظامیہ کی جانب سے تمام حفاظتی اور ریلیف انتظامات مکمل ہیں۔