امداد کے متلاشی 6 افراد سمیت 67 فلسطینی شہید

ہفتہ 30 اگست 2025 16:41

غزہ(اُردو پوائنٹ اخبارتازہ ترین - این این آئی۔ 30 اگست2025ء)غزہ میں اسرائیلی فوج کی بربریت جاری ہے، تازہ حملوں میں مزید 60 سے زائد فلسطینی شہید ہوگئے۔ غیرملکی میڈیا رپورٹ کے مطابق غزہ بھر میں اسرائیلی حملوں میں کم از کم 67 فلسطینی شہید ہوئے، جن میں امداد کے متلاشی 6 افراد بھی شامل تھے۔فلسطینی طبی کارکنوں نے بتایا کہ امداد کے 3 متلاشی افراد کو وسطی غزہ میں اسرائیلی فوج نے گولیاں مار کر شہید کر دیا۔

(جاری ہے)

اس کے علاوہ اسرائیلی فضائی حملوں میں خان یونس کے مغربی علاقے کو نشانہ بنایا گیا، جس میں کم از کم 5 فلسطینی شہید اور درجنوں زخمی ہوگئے۔دوسری جانب غزہ میں بھوک کی شدت سے ہونے والی اموات کی تعداد 322 ہوگئی ہے۔ ادھر اسرائیلی فوج نے غزہ پٹی سے اسرائیلی مغوی کی لاشیں برآمد کرنے کا دعوی کیا ہے۔ ہلاک مغوی کی شناخت ایلان ویس کے نام سے ہوئی ہیجبکہ ایک اور مغوی کی استعمال کی اشیا بھی برآمد ہوئیں البتہ مزید تفصیلات سامنے نہ آسکیں۔

متعلقہ عنوان :