کیپٹل پولیس، علمائے کرام اور کمیٹیوں کا پر امن ربیع الاول کیلئے بھرپور تعاون کا عہد

ہفتہ 30 اگست 2025 19:00

اسلام آباد (اُردو پوائنٹ اخبارتازہ ترین - اے پی پی۔ 30 اگست2025ء) سب ڈویژنل پولیس آفیسر (ایس ڈی پی او) سیکرٹریٹ سرکل علی رضا قریشی کی زیر صدارت 12 ربیع الاول کے سکیورٹی انتظامات کے حوالے سے اہم اجلاس منعقد ہوا۔اسلام آباد پولیس ترجمان کے مطابق اجلاس ڈپٹی انسپکٹر جنرل (ڈی آئی جی) آپریشنز محمد جواد طارق کی خصوصی ہدایات پر بلایا گیا تاکہ ماہ مقدس کے دوران فول پروف سکیورٹی اور ہم آہنگی کو یقینی بنایا جا سکے۔

(جاری ہے)

انہوں نے کہا کہ اجلاس میں میلاد کمیٹی کے اراکین، مقامی تھانے کے علاقے کے علمائے کرام اور امن کمیٹی کے نمائندوں نے شرکت کی۔انہوں نے کہا کہ شرکاء نے ربیع الاول کی تقریبات کے دوران امن و امان کو برقرار رکھنے اور سماجی ہم آہنگی کے فروغ کے لیے پولیس کے ساتھ مکمل تعاون کرنے کے عزم کا اظہار کیا۔انہوں نے مزید کہا کہ پولیس اور کمیونٹی اسٹیک ہولڈرز نے اتحاد اور بھائی چارے کی عکاسی کرتے ہوئے جلوسوں اور اجتماعات کے پرامن انعقاد کو یقینی بنانے کے لیے شانہ بشانہ کام کرنے کا عزم کیا۔