Live Updates

ٹ*سیلاب اور بارشوں میں پبلک ٹرانسپورٹ بحال رکھی جائی: بلال اکبر خان

/بارشوں میں بھی میٹروز اور اوورنج لائن ٹرین کی بلا تعطل سروس فراہمی یقینی بنائی جارہی ہے، صوبائی وزیر ٹرانسپورٹ

ہفتہ 30 اگست 2025 19:30

‘لاہور (اُردو پوائنٹ اخبارتازہ ترین - آن لائن۔ 30 اگست2025ء) صوبے میں جاری مون سون بارشوں کے طاقتور سپیل اور سیلابی صورتحال میں عوام کو پریشانی سے بچانے کیلئے وزیر ٹرانسپورٹ اینڈ ماس ٹرانزٹ بلال اکبر خان نے محکمہ ٹرانسپورٹ کے افسران کو پبلک ٹرانسپورٹ بحال رکھنے کیلئے ضروری اقدامات کرنے کی ہدایت کی ہے۔

(جاری ہے)

انہوں نے تمام اضلاع میں محکمہ ٹرانسپورٹ کے متعلقہ افسران کو مسلسل فیلڈ میں رہ کر مسافروں کو تمام ضروری سہولیات فراہم کرنے کیلئے اور نجی ٹرانسپورٹر کی جانب سے کسی بھی زیادتی پر فوری شکایات کا ازالہ کرنے کی بھی ہدایت کی۔

ان کا کہنا تھا کہ بارشوں میں بھی میٹروز اور اوورنج لائن ٹرین کی بلا تعطل سروس فراہمی یقینی بنائی جارہی ہے۔ ہر ممکن کوشش ہے کہ مسافروں کو کسی پریشانی کا سامنا نہ کرنا پڑے۔ صوبائی وزیر کا مزید کہنا تھا کہ عوام سیلاب اور طوفانی بارشوں سے پریشان ہیں۔ یہ ایک سخت آزمائش ہے جس میں اپنی عوام کیساتھ کھڑے ہیں اسی لیے تمام صوبائی وزراء بھی سیلاب سے متاثرہ علاقوں کے دورے کر کے ضروری اقدامات کی خود نگرانی کر رہے ہیں۔
Live سیلاب کی تباہ کاریاں سے متعلق تازہ ترین معلومات