اتحاد علماء سرگودھا کے وفد کا سیف سٹی پراجیکٹ کا دورہ

اتوار 31 اگست 2025 17:30

سرگودھا -31 اگست (اے پی پی) (اُردو پوائنٹ اخبارتازہ ترین - اے پی پی۔ 31 اگست2025ء) ایس پی آپریشنز سیف سٹی پراجیکٹ عامرمشتاق نے کہا ہے کہ سیف سٹی سرگودھا نے عوام کی جان ومال کے تحفظ، تجاوزات کے خاتمہ،ٹریفک قوانین پر عمل درآمد،جرائم کے قلع قمع اور صحت و صفائی کے حوالہ سے بھرپور اقدامات اٹھائے ہیں جنکے مثبت اوردورس نتائج برآمد ہونگے ۔ ان خیالات کا اظہار انہوں نے سیف سٹی پراجیکٹ کا دورہ کرنےو الے اتحاد علماء سرگودھا کے وفد سے گفتگو میں کیا۔

وفد میں اتحاد علماء ضلع سرگودھا کے جنرل سیکرٹری ممبر ضلعی امن کمیٹی ملک ضیا الحق ، سیکرٹری اطلاعات شیخ نعیم طاہر ،مولانا مظہر سمیع بٹ اور مولانا عبدالرحمن شامل تھے۔ عامر مشتاق نےکہاکہ سیف سٹی پراجیکٹ میں جرائم کے خاتمہ اور عوام کے جان و مال کے تحفظ کے لئے موٹر سائیکل پر ہیلمٹ اورگاڑی میں سیٹ بیلٹ سمیت ٹریفک قوانین پر عمل درآمد کو یقینی بنانا ہے اس لئے شہر میں 41 پوائنٹس سمیت کام کرنے والے 247 کمیروں کی مدد سے شہر و ضلع کے داخلی راستوں کو مانیٹر کیا جا رہا ہے جہاں شہر میں 30 کیمروں کے پولز پر لگے ایک بٹن کو دبا کر براہ راست کنٹرول روم سے منسلک ہو کر واردات کی اطلاع اور پولیس مدد حاصل کر سکتے ہیں۔

(جاری ہے)

ایس پی عامر مشتاق نےکہاکہ ضلع کے 19 گرلز کالجز میں سیف سٹی کنٹرول روم سے رابطہ کا سسٹم نصب کیا جائے گا جہاں سے طالبات ہراساں کرنے یا کسی بھی صورتحال کی اطلاع ایک بٹن دبا کر مدد حاصل کر سکیں گی۔ ان کا کہنا تھا کہ ان کیمروں کی مدد سے شہر میں صفائی، تجاوزات،غلط پارکنگ، ٹریفک جام، جلسے، جلوس،ریلی یا چوری و ڈکیتی کو بھی مانیٹر کر کے پولیس، واسا،ویسٹ مینجمنٹ،پیرا اور ٹریفک پولیس کو آگاہ کر کے شہریوں کی مشکلات کا فوری ازالہ کے لئے کام کر رہے ہیں۔

ایس پی آپریشنز عامر مشتاق نے کہا کہ شہری ٹریفک قوانین کی پاسداری کریں یہ ان کی جان و مال کے تحفظ کے لئے ہے۔اس ادارے کا مقصد عوام کو زیادہ سے زیادہ سہولیات کی فراہمی اور مشکلات و مسائل کے لئے ازالہ کے لئے 24 گھنٹے خدمات کے لئے مصروف عمل ہے۔

Facebook Twitter Google + Share on Whatsapp

اتحاد علماء سرگودھا کے وفد کا سیف سٹی پراجیکٹ کا دورہ

متعلقہ عنوان :

مزید قومی خبریں