ج* جیکب آباد کے 13ہائی اسکولوں میں 36سے زائد عملہ گنجائش سے زائد مقرر

oآسامی نہ ہونے کے باوجود تحصیل کے متعدد اسکولوں میں جے ایس ٹی ،ڈبلیو آئی ،اوٹی ،اے ڈبلیو آئی پی ٹی آئی اور لیب اسسٹنٹ کی غیر قانونی تقرری کو انکشاف ،ڈی او سیکنڈری کاموبائل نمبر بند

اتوار 31 اگست 2025 19:20

جیکب آباد(اُردو پوائنٹ اخبارتازہ ترین - آن لائن۔ 31 اگست2025ء) جیکب آباد کے 13ہائی اسکولوں میں 36سے زائد عملہ گنجائش سے زائد مقرر ،آسامی نہ ہونے کے باوجود تحصیل کے متعدد اسکولوں میں جے ایس ٹی ،ڈبلیو آئی ،اوٹی ،اے ڈبلیو آئی پی ٹی آئی اور لیب اسسٹنٹ کی غیر قانونی تقرری کو انکشاف ،ڈی او سیکنڈری کاموبائل نمبر بند تفصیلات کے مطابق جیکب آباد محکمہ تعلیم میں متعدد اسکولوں میں بھاری رشوت اور سفارش کے عیوض سینکڑوں کی تعداد میں گنجائش سے زیادہ تدریسی و تدریسی عملے کی تقرری کی گئی ہے جبکہ آسامی نہ ہونے کے باوجود بھی سینکڑو اسکولوں میں غیر قانونی طور پر مقرریاں کی گئی ہیں جو افسران کی بدیانتی اور ادارے کی ساکھ کو تباہ کررہی ہیں صرف جیکب آباد تحصیل کے 13ہائی اسکولوں میں 36سے زائد عملہ گنجائش سے زیادہ مقرر کیا گیا ہے ،حاجن شاہ ہائی اسکول میں ایک ہیڈ ماسٹر کی آسامی ہے لیکن مقرر دو ہیڈ مسٹریس اور ایک ڈپٹی ڈی او تنخواہیں لے رہی ہیں،3جے ایس ٹی اور ایک اوٹی آسامی نہ ہونے کے باوجو د مقرر ہیںمولاداد ،ریلوے ،آدم خان ،سردار محمد امین ،احمد میاں سومرو ،ناوڑا ،قادر پوراور بھلیڈنو آباد ہائی اسکول میں جے ایس ٹی ،اوٹی ،ڈبلیو آئی،پی ٹی آئی، لیب اسسٹنٹ آسامی نہ ہونے کے باوجود غیر قانونی مقرر ہیں اسی طرح علن جمالی ،مولاداد ہائی اسکول میں ایک چوکیدار کی آسامی ہے لیکن مقرر دو ،دو ہیںسنگگل سیکشن اسکول میں چار پرائمری اسکول ٹیچر،گورمنٹ گرلس ہائی اسکول میں 2پی ایس ٹی ،آدم خان،ناوڑا اور حمیدیہ میں ایک نائب قاصد،سردار محمد امین کھوسو میں ایک ،ناورا میں 2جونیئر کلرک،احمد میاں سومرو اور بنگلو سیداں میں اوٹی ،بھلڈنو آباد میں ایک ڈبلیو آئی گورمنٹ بوائز ہائی اسکول میں 5ایچ ایس ٹی ،4سبجیکٹ اسپیشلسٹ ،3جونیئر کلرک،ایک پی ایس ٹی ،لیب اسسٹنٹ اور شاپ اسٹنٹ اضافی مقر ر ہیںاس سلسلے میں ڈی او سیکنڈری جیکب آباد اسماعیل برڑو سے موقف لینے کے لئے رابطے کی کوشش کی گئی پرانکا نمبر بند ملا ۔