& یونیورسٹی آف ملاکنڈ کے پی ایچ ڈی اسکالر حیات اللہ یوسفزئی کا تحقیقی مقالہ کامیابی سے دفاع

اتوار 31 اگست 2025 19:20

aپشاور(اُردو پوائنٹ اخبارتازہ ترین - آن لائن۔ 31 اگست2025ء)یونیورسٹی آف ملاکنڈ کے شعبہ سوشیالوجی کے پی ایچ ڈی اسکالر حیات اللہ یوسفزئی نے اپنے تحقیقی مقالے کا کامیابی کے ساتھ دفاع کر لیا۔ اس حوالے سے یونیورسٹی میں پبلک ڈیفنس کی تقریب منعقد ہوئی جس کی صدارت ڈین فیکلٹی آف سوشل سائنسز پروفیسر ڈاکٹر عرب ناز نے کی۔

(جاری ہے)

امتحانی کمیٹی میں ممتاز ماہرین تعلیم پروفیسر ڈاکٹر محمد بلال (شعبہ انتھروپالوجی، فاطمہ جناح ویمن یونیورسٹی راولپنڈی) اور ڈاکٹر بشریٰ حسن جان (شعبہ سوشیالوجی، زرعی یونیورسٹی پشاور) شامل تھیں۔

واضح رہے کہ حیات اللہ یوسفزئی یونیورسٹی آف ملاکنڈ میں بطور رجسٹرار خدمات انجام دے رہے ہیں اور تعلیمی و انتظامی امور میں نمایاں کردار ادا کر رہے ہیں۔اس موقع پر یونیورسٹی کے اساتذہ اور انتظامیہ نے ڈاکٹر حیات اللہ یوسفزئی اور ان کے ریسرچ سپروائزر پروفیسر ڈاکٹر عرب ناز کو اس علمی کامیابی پر مبارکباد پیش کی اور ان کے تحقیقی کام کو شاندار علمی اثاثہ قرار دیا۔