حکومت نے پیٹرولیم مصنوعات کی قیمتوں میں کمی کا اعلان کردیا

پیر 1 ستمبر 2025 00:50

اسلام آباد (اُردو پوائنٹ اخبارتازہ ترین - اے پی پی۔ 01 ستمبر2025ء) حکومت نے پیٹرولیم مصنوعات کی قیمتوں میں کمی کا اعلان کردیا۔وزارت خزانہ کی جانب سے جاری نوٹیفکیشن کے مطابق نئی قیمتوں کا اطلاق رات 12 بجے سے ہوگیا جو اگلے 15 روز کیلیے رہے گا۔

(جاری ہے)

نوٹیفکیشن کے مطابق پیٹرول کی قیمت 264 روپے 61 پیسے پر برقرار رکھی گئی ہے جبکہ ہائی اسپیڈ ڈیزل کی قیمت میں 3 روپے کی کمی کی گئی ہے، کمی کے بعد فی لیٹر ہائی اسپیڈ ڈیزل کی قیمت 269 روپے 99 پیسے ہوگئی۔اسی طرح لائٹ ڈیزل کی قیمت میں 2 روپے 40 پیسے کمی کی گئی ہے ،کمی کے بعد لائٹ ڈیزل کی قیمت 159روپے 76 پیسے ہوگئی ہےجبکہ مٹی کے تیل کی قیمت میں ایک روپے 46 پیسے کمی کی گئی ہے۔مٹی کے تیل کی نئی قیمت 176روپے 81 پیسے ہوگئی ہے۔