ایڈیشنل اسسٹنٹ کمشنر کوہستان لوئرکی یونین کونسل کیال میں پولیو مہم کے پہلے دن کی مارننگ اسمبلی میں شرکت، روزانہ کا ہدف مکمل کرنے کی ہدایت

پیر 1 ستمبر 2025 10:00

ایبٹ آباد (اُردو پوائنٹ اخبارتازہ ترین - اے پی پی۔ 01 ستمبر2025ء) ایڈیشنل اسسٹنٹ کمشنرکوہستان لوئر جنرل عدیل حسین شاہ نے یونین کونسل کیال میں آج علی الصبح پولیو مہم کے پہلے دن کی مارننگ اسمبلی میں شرکت کی اور پولیو ٹیموں کو ضروری ہدایات جاری کیں۔

(جاری ہے)

ایڈیشنل اسسٹنٹ کمشنر نے پولیو ٹیموں سمیت ایریا انچارج کو سختی سے ہدایات جاری کی کہ روزانہ کا ہدف ہر صورت مکمل کیا جائے۔ انہوں نے کہا کہ اس بابت کوئی کوتاہی برداشت نہیں کی جائے گی۔ دریں اثنا ایڈیشنل اسسٹنٹ کمشنر ریونیو نے یونین کونسل کیال میں پولیو مہم کی مانیٹرنگ کی اور بچوں کے فنگر مارکس اور ڈور چاکنگ بھی چیک کی۔