تھائی لینڈ میں عالمی تجارتی نمائش میں شرکت کے لئے درخواستیں 19ستمبر تک طلب

پیر 1 ستمبر 2025 23:12

اسلام آباد (اُردو پوائنٹ اخبارتازہ ترین - اے پی پی۔ 01 ستمبر2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ تھائی لینڈ میں22 جنوری سے شروع ہونے والی بین الاقوامی تجارتی نمائش ’’ تھائی انٹرنیشنل ٹریول فئیر‘‘ میں شرکت کے لئے 19 ستمبر تک درخواستیں جمع کرائی جاسکتی ہیں ۔

(جاری ہے)

ٹی ڈی اے پی کے مطابق نمائش بینکاک میں 22 جنوری 2026 سے 25 جنوری تک جاری رہے گی جس میں ٹریول ایجنٹس ،ٹوور آپریٹر ، ہوٹل اور ریزورٹ سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔ نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔