اسلام آباد ہائیکورٹ ، دو ماہ کے بعد موسمِ گرما کی عدالتی تعطیلات ختم ، معمول کی عدالتی کارروائی کا آغاز ہو گیا

پیر 1 ستمبر 2025 22:16

اسلام آباد (اُردو پوائنٹ اخبارتازہ ترین - آن لائن۔ 01 ستمبر2025ء) اسلام آباد ہائیکورٹ میں دو ماہ کے بعد موسمِ گرما کی عدالتی تعطیلات ختم ہو گئیں اورپیرسے معمول کی عدالتی کارروائی کا آغاز ہو گیا۔عدالت عالیہ نے عافیہ صدیقی سمیت دیگر مقدمات کی سماعت کی۔عدالت کے تمام ججز چھٹیوں سے واپس آ گئے ہیں اور مختلف مقدمات کی سماعت کی یے۔

(جاری ہے)

جسٹس بابر ستار اور جسٹس سردار اعجاز اسحاق خان پر مشتمل ڈویڑن بنچ کی کاز لسٹ آویزاں کر دی گئی تھی۔

دونوں ججز کے سنگل بنچز ختم کر دیئے گئے ہیں اور ان کی جگہ ٹیکس ریفرنسز کی سماعت کے لیے خصوصی ڈویڑن بنچ تشکیل دیا گیا تھا۔واضح رہے کہ اسلام آباد ہائیکورٹ میں یکم جولائی سے 31 اگست تک دو ماہ کی عدالتی تعطیلات رہی تھیں اس دوران صرف ہنگامی نوعیت کے کیسز کی ہی سماعت کی گئی ۔