Live Updates

ملک میں تمام بلدیاتی ادارے بے دست وپا ہیں، پنجاب میں توبلدیاتی ادارے ہیں ہی نہیں

سیاستدان بلدیاتی اداروں کو سیاسی مقاصد کیلئے ایک ٹول سمجھتے ہیں، حکومت کو بلدیاتی اداروں کو اختیارات دینے چاہئیں،سیاسی سسٹم کو مضبوط کرنے کیلئے بلدیاتی نظام کو مضبوط کرنا ہوگا، ہمیں جامع لوکل گورمنٹ سسٹم کی ضرورت ہے۔ وزیردفاع خواجہ آصف

ثنااللہ ناگرہ پیر 1 ستمبر 2025 23:09

ملک میں تمام بلدیاتی ادارے بے دست وپا ہیں، پنجاب میں توبلدیاتی ادارے ..

اسلام آباد ( اردوپوائنٹ اخبار تازہ ترین۔ آئی پی اے ۔ یکم ستمبر 2025ء ) وزیردفاع خواجہ آصف نے کہا ہے کہ ملک میں تمام بلدیاتی ادارے بے دست وپا ہیں، پنجاب میں توبلدیاتی ادارے ہیں ہی نہیں، بلدیاتی اداروں کو سیاسی مقاصد کیلئے ایک ٹول سمجھا جاتا ہے، حکومت کو بلدیاتی اداروں کو اختیارات دینے چاہئیں،سیاسی سسٹم کو مضبوط کرنے کیلئے بلدیاتی نظام کو مضبوط کرنا ہوگا، ہمیں جامع لوکل گورمنٹ سسٹم کی ضرورت ہے۔

انہوں نے قومی اسمبلی میں خطاب کرتے ہوئے کہا کہ سیلاب کی صورت میں تاریخ کی بڑی آفت کا سامنا کرتے ہیں، سیلاب قدرتی آفت نہیں بلکہ یہ انسان کی اپنے ہاتھ سے بنائی ہوئی آفت ہے ،دریا کی گزرگاہوں پر قبضے کئے ہوئے ہیں، اور یہ سوچ لیا کہ اب یہ گندا نالہ ہے، میرا مطالبہ ہے کہ یہ خود احتسابی کا وقت ہے، کہ جب آپ انکروچمنٹ کرتے ہیں، یا کسی کو فائدہ پہنچانے کیلئے اور اپنا حصہ ڈالنے کیلئے اس قسم کی اسکیمیں بنتی ہیں تو قدرت کا ردعمل آتا ہے، پورے پاکستان میں خیبرپختونخواہ میں کلاؤڈ برسٹ ہوا یا بارشوں کی وجہ سے سیلاب آیا، ان کے دریاؤں میں تجاوزات تھیں۔

(جاری ہے)

یہ ہر بار سیلاب آتا اور ہم کہتے اتنے ڈالر کا نقصان ہوگیا، پھرہم امدادم کیلئے اقوام متحدہ کو اپیل کرتے ہیں۔ میرے ضلع سیالکوٹ میں دو دریا داخل ہوتے ہیں اور کشمیر سے آنے والے برساتی بھی داخل ہوتے ہیں، اب دریا ساری تجاوزات اور آبادیاں بہا کر لے گیا ہے۔ میرے حلقے میں ایک زیڈ کنٹریکٹر کمپنی ہے، ان کی ایوان بالا میں بھی موجو دہیں انہوں نے سارا شہر تباہ کردیا ہے۔

انہوں نے کہا کہ ملک میں تمام ڈیمز آمروں کے دور میں بنے کیونکہ ان کے پاس اتفاق رائے پیدا کرنے کیلئے طاقت ہوتی ہے، سیاستدانوں کی دکانداری اختلاف پر چلتی ہے اس لئے اتفاق رائے نہیں ہوتا، قومی مسائل پر اختلاف نہیں ہونا چاہیئے، جب ڈیم یا نہر کی بات ہو تو سڑکیں بند نہ کریں۔ انہوں نے کہا کہ ملک میں تمام بلدیاتی ادارے بے دست وپا ہیں، پنجاب میں تو بلدیاتی ادارے ہے ہی نہیں۔

حکومت کو بلدیاتی اداروں کو اختیارات دینے چاہئیں، ملک میں بلدیاتی اداروں کو سیاسی مقاصد کیلئے ایک ٹول سمجھتے ہیں۔ ملک میں بلدیاتی انتخابات 1979میں ہوئے، 87اور 91ء میں ہوئے، 97ء اور 2001 میں بھی بلدیاتی اختیارات ہوئے، کسی بھی ملک میں انتخابات کی تاریخ غیریقینی نہیں ہوتی، ملک میں بلدیاتی انتخابات کے قانون کا بھی نہیں۔ سیاسی سسٹم کو مضبوط کرنے کیلئے بلدیاتی نظام کو بھی مضبوط کرنا ہوگا۔ملک میں جامع لوکل گورمنٹ سسٹم ہونا چاہیئے۔