ٹ*زلمی فاونڈیشن کا افغان زلزلہ متاثرین کے لیے ایک کروڑ روپے کا اعلان

افغانستان میں زلزلے سے ہونیوالے نقصان پر اٖفغان بھائیوں کے غم میں برابر کے شریک ہیں‘جاوید آفریدی

پیر 1 ستمبر 2025 20:20

Wپشاور(اُردو پوائنٹ اخبارتازہ ترین - آن لائن۔ 01 ستمبر2025ء)زلمی فاونڈیشن کی جانب سے افغانستان زلزلہ متاثرین کے لیے ایک کروڑ روپے کا اعلان کیا گیا ہے۔پشاور زلمی اور زلمی فاونڈیشن کے چیئرمین جاوید آفریدی نے افغانستان میں زلزلے سے تباہی اور جانی نقصان پر گہرے دکھ کا اظہار کیا ہے۔

(جاری ہے)

سوشل میڈیا پر اپنے پیغام میں جاوید آفریدی نے لکھا’افغانستان میں زلزلے سے ہونیوالے نقصان پر اٖفغان بھائیوں کے غم میں برابر کے شریک ہیں‘۔

جاوید آفریدی نے زلمی فاونڈیشن کی جانب سے افغانستان کے زلزلہ متاثرین کے لیے ایک کروڑ روپے امداد کا اعلان کیا اور کہا کہ وہ زلزلے میں زخمی ہونیوالے کی جلد صحتیابی کے لیے دعاگو ہیں۔یاد رہے کہ زلمی فاؤنڈیشن ماضی میں بھی افغانستان میں ہونیوالی قدرتی آفات پر افغان بھائیوں سے اظہار یک جہتی اور امداد فراہم کرچکے ہیں