Live Updates

سیلابی صورتحال پیش نظر پنجاب پولیس ریسکیو اینڈ ریلیف آپریشن جاری ،ترجمان

منگل 2 ستمبر 2025 11:35

لاہور (اُردو پوائنٹ اخبارتازہ ترین - اے پی پی۔ 02 ستمبر2025ء) پنجاب کے مختلف اضلاع میں سیلابی صورتحال پیش نظر پنجاب پولیس ریسکیو اینڈ ریلیف آپریشن جاری ہے ۔

(جاری ہے)

ترجمان کے مطابق پنجاب پولیس کے 15 ہزار سے زائد افسران و اہلکار، 700 سے زائد وہیکلز، 40 بوٹس ریسکیو اینڈ ریلیف آپریشن میں شریک ہیں،پنجاب پولیس کیجانب سے ریسکیو کیے جانے والے افراد کی تعداد 2 لاکھ 57 ہزار سے تجاوز کر گئی، سیلاب زدہ علاقوں سے 1 لاکھ 4 ہزار سے زائد مردوں، 76 ہزار 426 خواتین جبکہ 77 ہزار 107 بچوں کو محفوظ مقامات پر منتقل کیا گیا،شہریوں کے کروڑوں روپے مالیت کے 3 لاکھ 20 ہزار سے زائد مویشیوں کو بھی سیلاب زدہ علاقوں سے محفوظ مقامات تک پہنچایا گیا، آئی جی پنجاب کا مختلف اضلاع میں سیلابی صورتحال کے پیش نظر پولیس کو ہائی الرٹ رہنے کا حکم،آئی جی پنجاب نے کہا کہ پنجاب پولیس اس مشکل گھڑی میں سیلاب متاثرین کو ہر ممکن مدد فراہم کر رہی ہے، ریلیف کیمپوں میں پناہ گزین، متاثرہ افراد کو بھرپور سکیورٹی، خوراک، ضروریات زندگی کی فراہمی یقینی بنا رہے ہیں، پی ڈی ایم اے سمیت ضلعی انتظامیہ، ریسکیو، سکیورٹی اداروں کیساتھ مسلسل رابطے میں ہے،عوام کے جان و مال کے تحفظ کیلئے کوئی کسر نہ اٹھا رکھی جائے، آئی جی پنجاب کی ہدایت وزیر اعلی مریم نواز شریف کی ہدایت پر پنجاب پولیس کا ریسکیو اینڈ ریلیف آپریشن بلاتعطل جاری ہے۔