مصطفی عامر قتل کیس،فاضل جج کی رخصت کے باعث ملزم ارمغان و دیگر کے خلاف فرد جرم کی کارروائی موخر

منگل 2 ستمبر 2025 15:48

کراچی(اُردو پوائنٹ اخبارتازہ ترین - این این آئی۔ 02 ستمبر2025ء)انسداد دہشت گردی عدالت نے فاضل جج کی رخصت کے باعث مصطفی عامر قتل کیس میں ملزم ارمغان و دیگر کے خلاف فرد جرم کی کارروائی موخر کردی۔منگل کوکراچی کی انسداد دہشت گردی کی عدالت میں ملزم ارمغان کے والد کامران قریشی اور شیراز کوپیش کیا گیا۔

(جاری ہے)

تاہم، عدالت نے مصطفی عامر کیس کے ملزمان پر فرد جرم کی کارروائی موخر کردی، کارروائی اے ٹی سی جج کی رخصت کی وجہ سے ملتوی کی گئی۔عدالت نے 9 ستمبر تک سماعت ملتوی کردی جب کہ آئندہ سماعت پر ملزمان پر فرد جرم عائد کیے جانے کا امکان ہے۔عدالت نے آئندہ سماعت پر تفتیشی افسر کو پولیس فائل کے ہمراہ آنے کی ہدایت کردی جب کہ جیل حکام کو بھی ملزمان کو آئندہ سماعت پر پیش کرنے کی ہدایت کردی۔