شہر کے مختلف تجارتی مراکز پر غیر قانونی تجاوزات کرنے والوں کے خلاف پولیس کا خصوصی کریک ڈاؤن

منگل 2 ستمبر 2025 17:55

پشاور (اُردو پوائنٹ اخبارتازہ ترین - اے پی پی۔ 02 ستمبر2025ء) ڈسٹرکٹ پولیس آفیسر محمد عمر خان(پی ایس پی) اور ایس پی ٹریفک وارڈن حبیب اللہ خان کی خصوصی ہدایت پر شہر کے مختلف تجارتی مراکز پر غیر قانونی تجاوزات کرنے والوں کے خلاف خصوصی کریک ڈاؤن کیا گیا۔

(جاری ہے)

تر جمان سوات ٹریفک پولیس کے مطابق کریک ڈاون کے دوران مختلف بازاروں میں تجاوزات کرنے والے افراد کے خلاف کارروائی جاری ہے۔ سوات ٹریفک پولیس نے شہر کو تجاوزات سے پاک کرنے کی خاطر شہر کے مصروف ترین بازار میں کارروائی کی ہے۔ اس ضمن میں ایس پی ٹریفک حبیب اللہ خان نے واضح کیا ہے کہ شہر بھر سے غیر قانونی تجاوزات میں ملوث افراد کے خلاف بلاامتیاز کارروائیوں کا سلسلہ اسی طرح جاری رہے گا۔