Live Updates

سیلاب سے متاثرہ اضلاع میں ای پی آئی ویکسی نیشن کا عمل جاری ہے ،وزیر اعلیٰ خیبر پختونخوا کے مشیر برائے صحت

بدھ 3 ستمبر 2025 13:10

پشاور (اُردو پوائنٹ اخبارتازہ ترین - اے پی پی۔ 03 ستمبر2025ء) وزیر اعلیٰ خیبر پختونخوا کے مشیر برائے صحت احتشام علی نے کہا ہے کہ سیلاب سے متاثرہ اضلاع میں ای پی آئی ویکسی نیشن کا عمل جاری ہے ۔محکمہ صحت خیبرپختونخوا کے مطابق وزیر اعلیٰ خیبر پختونخوا کے مشیر برائے صحت نے بیان میں کہا کہ سیلاب سے متاثرہ دس اضلاع میں ہمارے 25 ای پی آئی مراکز کو نقصان پہنچا ہے اور ان مراکز میں ہمارے 84 کولڈ چین ایکویپمنٹ کو بھی نقصان پہنچا ہے جبکہ سیلاب کی وجہ سے ہمارے 14 آئی ایل آر کو نقصان پہنچا تھا ۔

(جاری ہے)

انہوں نے کہا کہ ہمارے پاس خسرہ کے 8 کیس رپورٹ ہوئے ہیں ۔انہوں نے کہا کہ ڈائریکٹر ای پی آئی نے فوری ان مراکز اور آلات کا سروے کیا ہے۔انہوں نے کہا کہ 92 فیصد متاثرہ یونین کونسلوں میں ہماری ای پی آئی خدمات بحال ہوچکی ہیں۔انہوں نے کہا کہ کولڈ چین ری پئیر کرنے والی ٹیم نے بونیر میں ہمارے 16 جُزوی طور پر متاثرہ آئی ایل آر ٹھیک کردیئے ہیں ، ٹیم کو بونیر سے سوات بھیج دیا گیا ہے تاکہ وہاں پر بھی مرمت اور بحالی کا کام ہوسکے ۔مشیر صحت خیبر پختونخوا نے کہا کہ متاثرہ اضلاع میں خصوصی ٹیمیں تعینات کی گئی ہیں تاکہ ویکسی نیشن جاری رہے۔