مظفرآباد، تھانہ پولیس کی منظم کارروائی کے دوران مشہور منشیات فروش حیدر شاہ گرفتار

مظفرآباد(اُردو پوائنٹ اخبارتازہ ترین - این این آئی۔ 03 ستمبر2025ء)سینئر سپرنٹنڈنٹ پولیس مظفرآباد سید ریاض حیدر بخاری کی خصوصی ہدایت نیشنل ایکشن پلان پر عملدرآمد اور خطہ کو جرائم پیشہ عناصر سے پاک کرنے کیلئے تھانہ پولیس صدر کے ایس ایچ او نویدالحسن نے ہمراہ نفری منشیات فروشوں کے خلاف کارروائی، چرس ،گردا برآمد،ملز م گرفتار،پابند سلاسل کردیا گیا،،عوام علاقہ کا خراج تحسین،عوام کا پولیس پر اعتماد بحال ہونے لگا۔

تھانہ پولیس کی منظم کارروائی کے دوران مشہور منشیات فروش کو گرفتار کر لیا گیا۔ تفصیلات کے مطابق ایس ایچ او نوید الحسن نے نفری کے ہمراہ بیلہ نور شاہ میں کارروائی کی۔ اس موقع پر بشارت عباسی (IHC)، جمیل میر، عمران یوسف، ذیشان گوہر اور صابر شیخ (DFCs) بھی شریک تھے۔

(جاری ہے)

پولیس کے مطابق شدید مزاحمت کے بعد بدنام زمانہ منشیات فروش حیدر شاہ ولد اعجاز شاہ سکنہ بیلہ نور شاہ کو حراست میں لیا گیا۔

ملزم کے قبضے سے بڑی مقدار میں چرس اور گردہ برآمد کر کے اس کے خلاف 9C/CNSA کے تحت مقدمہ درج کر لیا گیا ہے۔ترجمان پولیس نے بتایا کہ گرفتار ملزم کے انکشافات کی روشنی میں مزید گرفتاریوں کے لیے خصوصی ٹیم تشکیل دے دی گئی ہے۔ عوامی حلقوں نے پولیس کی اس کامیاب کارروائی کو سراہتے ہوئے توقع ظاہر کی ہے کہ منشیات فروشوں کے خلاف اسی طرح کی کارروائیاں آئندہ بھی جاری رہیں گی تاکہ معاشرے کو منشیات کے ناسور سے پاک کیا جا سکے۔

س موقع تھانہ پولیس صدر کے ایس ایچ او نویدالحسن نے میڈیا کو تفصیلات بتاتے ہوئے کہا کہ منشیات فروشی اورناجائز اسلحہ کا کاروبار کرنے والوں کیخلاف تھانہ پولیس صدر کی حدود تنگ کردی گئی ہے، کسی بھی سماج دشمن عناصر کے ساتھ کسی بھی طرح کی نرمی نہیں برتائی نہیںجائے گی۔سینئر سپرنٹنڈنٹ پولیس مظفرآباد سید ریاض حیدر بخاری کی ہدایت اور اپنے فرائض پر عمل پیرا ہوں، تھانہ پولیس صدر کی حدود میں سماج دشمن عناصر رسوائی اور سزاء سے بچنے کے لئے ایسے تمام کام چھوڑ دیں جن پر انہیں جیل کی ہوا کھانی پڑے۔

ایس ایچ او نے مزید کہا کہ تھانہ پولیس صدر کے تمام پولیس جوان جرائم، کرائم کے خاتمہ کے لئے ہمہ وقت کوشاں ہیں ایس ایچ او نے کہا کہ شہری بھی اپنے ارد گرد کے مشکوک افراد پر نظر رکھیں اور اگر کہیں کوئی مشکوک حرکت محسوس کی جائے تو فوراً پولیس کو اطلاع دیں۔عوام کے جان ومال کے تحفظ پولیس کی ذمہ داری ہے لیکن جب تک شہری تعاون نہیں کریں گے تو 100فیصد جرائم کرائم پر کنٹرول ممکن نہیں۔