وفاقی وزیر رانا مبشر اقبال نے دالوڑی گدون کے 35کلاوڈ برسٹ متاثرین میں فی 20لاکھ روپے مالیت کی چیکس تقسیم کردیئے

صوابی(اُردو پوائنٹ اخبارتازہ ترین - این این آئی۔ 04 ستمبر2025ء)وفاقی وزیر برائے پبلک افئیر رانا مبشر اقبال نے وزیراعظم میاں شہباز شریف کی جانب سے حالیہ کلاوڈ برسٹ سے متاترہ گدون امازئی کے گائوں دالوڑی گدون کے 35متاثرین میں فی 20لاکھ روپے مالیت کی مجموعی طور پر سات کروڑ روپے چیکس تقسیم کردیئے۔اس موقع پرسابق ڈپٹی اسپیکر قومی اسمبلی جاوید مرتضی عباسی ۔

صوبائی جنرل سیکرٹری اختیار ولی، ضلعی صدر حاجی شیراز خان، جنرل سیکرٹری بابر سلیم، تحصیل چیئرمین لاہور عادل خان،این ڈی ایم اے کیڈائریکٹر بھی موجود تھے ، وفاقی وزیر اور صوبائی صدر امیر مقام نے دورہ دالوڑی بالا کے مقام پر وزیراعظم میاں شہباز شریف کی جانب سے بیس ، بیس لاکھ روپے امداد کا اعلان کیا تھا، وفاقی وزیر برائے پبلک افئیر رانا مبشر اقبال نے کہا کہ مذید آٹھ چیکس بھی جلد متاثرین کو مل جائیں گے ، 18 اگست کو گدون امازئی میں کلاوڈ برسٹ سے ہونے والی جانی و مالی نقصانات کے وہ تین بار یہاں آئیں اور اپنے متاثرہ بھائیوں سے تعزیت ، ہمدردی کا نہ صرف اظہار کیا بلکہ آج تک ان کے دکھ درد میں شریک رہیں اور جب مجھے پہاڑ کی چوٹی پر واقع سرکوئی پایاں میں جانی و مالی نقصان کا علم ہوا تو اگلے یہاں اکر سات کلو میٹر دشوار گزار پہاڑی سلسلے کا سفر طے کر کے متاثرین کے غم میں برابر شریک رہیں وہ ملکی تاریخ میں پہلی وزیر تھے جو یہاں کے دورے کا اعزاز حاصل کیا ، انہوں نے کہا کہ ہم سب نے ایک دوسرے کے ساتھ کھڑے ہونا ہے ہم سب پاکستانی ہیں پاکستان ہے تو سب کچھ ہے انہوں نے کہا کہ جب گدون امازئی کے لوگ مشکل میں تھے تو ہم یہاں موجود تھے، میاں شہباز شریف وزیراعظم پاکستان نے بھیجا تھا۔

(جاری ہے)

وقت گزرگیا لیکن ہم پھر بھی مشکل گھڑی میں انکے ساتھ رہے۔ہم کل بھی آپکے درمیان موجود تھے اور آج بھی ہے۔وزیر اعظم شہباز شریف نے ہمیں ہر قسم تعاون کرنے کی ہدایات دی ہے۔ہم ایک ایک چیز دیکھ کر گئے ہیں امیر مقام بھی موجود رہے۔ہم کلاڈ برسٹ سے متاثرہ خاندانوں کے غم میں برابر کے شریک ہے۔یہ ہمارا پاکستان ہے ہم ایک ایک چیز دیکھ رہے ہیں۔یہ ہمارے بھائی ہے ہم انکے غم میں برابر کے شریک ہیں دریں اثنا پاکستان مسلم لیگ (ن)کے مرکزی رہنما و وفاقی وزیرِ برائے پبلک آفیئرز رانا مبشر اقبال اور سابق ڈپٹی سپیکر قومی اسمبلی و صوبائی جنرل سیکرٹری مرتضی جاوید عباسی نے ضلع صوابی میں ممتاز لیگی لیڈر،سرمایہ دار شخصیت حاجی دلدار خان سے ان کے ڈیرے میں ملاقات کی ،ان کے بھائی مرحوم حاجی شیر آفسر خان کی تعزیت اور فاتحہ خوانی کی اور ملکی سیاسی صورتحال پر تفصیلا گفتگو کی۔

اس موقع پر ن لیگ صوابی کے صدر شیراز اور جنرل سیکرٹری بابر خان سمیت دیگر ضلعی لیڈران بھی موجود تھے ۔ وفاقی وزیررانا مبشر اقبال اور مرتضی جاوید عباسی نے حاجی دلدار خان کو وزیرِ اعظم میاں محمد شہبازشریف کا خصوصی پیغام بھی پہنچایا اور ان کی جانب سے ان کے بھائی کی رحلت پر فاتحہ خوانی بھی کی۔