پی ٹی آئی پارلیمانی پارٹی اجلاس میں گرما گرمی، اراکین کے ایک دوسرے پر الزامات

وقاص اکرم نے پی اے سی میں جنید اکبر کی کارکردگی کو مایوس کن قرار دیا…پر جنید اکبر نے بھی شیخ وقاص کو سیاسی خانہ بدوش قرار دیا

جمعہ 5 ستمبر 2025 18:05

اسلام آباد (اُردو پوائنٹ اخبارتازہ ترین - این این آئی۔ 05 ستمبر2025ء)پاکستان تحریک انصاف کی پارلیمانی پارٹی اجلاس میں شیخ وقاص اکرم نے جنید اکبر کی کارکردگی پر سوالات اٹھا دیے، اجلاس میں گرما گرمی ہوگئی۔شیخ وقاص اکرم نے پی اے سی میں جنید اکبر کی کارکردگی کو مایوس کن قرار دیا، جس پر جنید اکبر نے بھی شیخ وقاص کو سیاسی خانہ بدوش قرار دیا۔

تفصیلات کے مطابق پاکستان تحریک انصاف پارلیمانی پارٹی اجلاس کی اندرونی کہانی سامنے آگئی، شیخ وقاص اکرم نے جنید اکبر کی کارکردگی پر سوال اٹھا دیے، جس پر جنید اکرم نے انہیں جواب دیتے ہوئے کہا کہ سیاسی خانہ بدوش ہماری کارکردگی پر جملے نہیں کسیں۔ذرائع کے مطابق جنید اکبر نے وقاص اکرم سے کہا کہ ایک سال میں آپ اپنی کارکردگی دکھائیں، جمشید دستی ممبر بھی نہیں تھے پھر بھی ان کا معاملہ اٹھایا۔

(جاری ہے)

اجلاس میں جنید اکبر نے کہا کہ وقاص اکرم پچھلے ایک سال سے پارلیمنٹ نہیں آئے اب کونسی کارکردگی پوچھ رہے ہیں ، جنید اکبر نے بانی پی ٹی آئی کی شکایت کا معاملہ بھی کمیٹی کے سامنے رکھ دیا۔جنید اکبر کے مطابق ان کے بارے میں کہا گیا کہ انہوں نے اسپیکر کو کہا استعفیٰ قبول نہیں کریں۔ذرائع کے مطابق پی ٹی آئی پارلیمانی پارٹی کا معاملہ بانی پی ٹی آئی کے سامنے رکھنے کا فیصلہ کیا گیا، پارٹی ارکان نے کہا کسی ایسے شخص سے پیغام اڈیالہ پہنچایا جائے جو متنازع نہ ہو۔