نیشنل امیچرز گالف چیمپئن شپ، خواتین ایونٹ کا ٹائٹل آرمی کے نام

لیڈیز ٹیم ایونٹ آرمی کے نام رہا، آرمی نے 46 اوور پار کے ساتھ پہلی پوزیشن لی واپڈا کی لیڈیز ٹیم نے 53 اوور پار کے ساتھ دوسری اور پنجاب گالف کی ٹیم نے 67 اوور پار کے ساتھ تیسری پوزیشن

اتوار 7 ستمبر 2025 12:10

کولمبو(اُردو پوائنٹ اخبارتازہ ترین - این این آئی۔ 07 ستمبر2025ء)نیشنل امیچرز گالف چیمپئن شپ میں خواتین ٹیم ایونٹ کا ٹائٹل آرمی کی ٹیم نے جیت لیا۔سینئر امیچر زکیٹگری میں عمر اعجاز نے پہلی پوزیشن حاصل کی، مینز امیچرز میں سری لنکا اور پاکستان کے درمیان سخت مقابلہ ہے۔ڈی ایچ اے گالف کلب میں جاری چیمپئن شپ میں مزید 2 ایونٹ اختتام کو پہنچ گئے۔

لیڈیز ٹیم ایونٹ آرمی کے نام رہا، آرمی نے 46 اوور پار کے ساتھ پہلی پوزیشن لی، واپڈا کی لیڈیز ٹیم نے 53 اوور پار کے ساتھ دوسری اور پنجاب گالف کی ٹیم نے 67 اوور پار کے ساتھ تیسری پوزیشن حاصل کی۔

(جاری ہے)

سینئر امیچر زکیٹیگری کے مقابلے بھی اختتام پزیر ہو گئے، اسلام آباد کے عمر اعجاز نے 10 اوور پار کے ساتھ پہلی پوزیشن لی۔احمد ظفر حیات 12 اوور پار کے ساتھ دوسرے اور 20 اوور پار کے ساتھ محمد منان تیسرے نمبر پر رہے۔

مینز امیچر زمیں پاکستان کے نعمان الیاس اور سری لنکا کے دانوشا کمار کے درمیان سخت مقابلہ ہے، دونوں 4 اوور پار کے ساتھ لیڈ کر رہے ہیں، بنگلادیش کے شہاب الدین 11 ویں پوزیشن پر ہیں۔چیمپئن شپ کے دوران خواتین میں آنیہ فاروق 19 اوور پار کے ساتھ ٹاپ پر ہیں، زیب النسا کا دوسرا نمبر ہے، کل ویمنز اور مینز امیچر کے درمیان فائنل مقابلہ ہو گا۔