Live Updates

امریکی ناظم الامور نیٹلی بیکر کی قیادت میں امریکی سینٹرل کمانڈ اور ڈیزاسٹر ریسپانس گروپ کا نیشنل ایمر جنسیز آپریشن کا دورہ ، بریفنگ دی گئی

بریفنگ میں این ڈی ایم اے کے بین الاقوامی ریلیف، ریسپانس کے معاونتی طریقہ کار،پیشگی اقدامامت اور عالمی تعاون کے حوالے سے آگاہ کیا امریکہ کی 2025 کے سیلاب میں پاکستان کی امدادی سرگرمیوں بشمول امدادی سامان کی ترسیل، تکنیکی ماہرین اور فلاحی اداروں کے ذریعے معاونت کی یقینی دہانی

اتوار 7 ستمبر 2025 16:35

اسلام آباد (اُردو پوائنٹ اخبارتازہ ترین - این این آئی۔ 07 ستمبر2025ء) امریکی ناظم الامور نیٹلی بیکر کی قیادت میں امریکی سینٹرل کمانڈ اور ڈیزاسٹر ریسپانس گروپ نے این ڈی ایم اے کے نیشنل ایمر جنسیز آپریشن سینٹر کا دورہ کیا اور دوسرے روز امریکی محکمہ خارجہ نے ڈیزاسٹر ایکسپرٹ برائے ایشیا ایوانا ووکو اور ان کی ٹیم نے بریفنگ میں شرکت کی۔دو روزہ مشاورتی اجلاس میں قدرتی آفات کے تدارک اور موسمیاتی تبدیلیاں کے منفی اثرات سے نمٹنے پر تبادلہ خیال ہوا۔

چیئرمین این ڈی ایم اے لیفٹیننٹ جنرل انعام حیدر ملک نے وفد کو این ای او سی کے صلاحیتی دائرہ کار اور پیشگی انتباہی نظام پر بریفنگ دی، بریفنگ میں این ڈی ایم اے کے بین الاقوامی ریلیف، ریسپانس کے معاونتی طریقہ کار،پیشگی اقدامامت اور عالمی تعاون کے حوالے سے آگاہ کیا این ڈی ایم اے کی جامع بین الاقوامی فرضی مشقوں (CISE) کے ذریعے غیر ملکی و علاقائی ممالک کے ساتھ مشترکہ تیاری کے لائحہ عمل پر بھی بریفنگ دی گئی۔

(جاری ہے)

جدید ٹیکنالوجی کے استعمال سے سرچ اینڈ ریسکیو آپریشنز اورسیلاب کی وارننگ اور تیاری کے حوالے سے بھی آگاہ کیا گیا نیٹلی بیکر نے این ڈی ایم اے کے جدید ڈیزاسٹر مینجمنٹ ماڈل اور CISE جیسے مشترکہ اقدامات کو خطے کے لیے مثالی قرار دیا، امریکہ نے 2025 کے سیلاب میں پاکستان کی امدادی سرگرمیوں بشمول امدادی سامان کی ترسیل، تکنیکی ماہرین اور فلاحی اداروں کے ذریعے معاونت کی یقینی دہانی کرائی۔ لیفٹیننٹ جنرل پیٹرک فرینک نے این ڈی ایم اے کے فعال اقدامات اور این ای او سی کے کلیدی کردار کو سراہا۔امریکی وفد نے آفات سے بچاؤ اور باہمی فرضی مشقوں میں مزید تعاون بڑھانے کے عزم کا اعادہ کیا تاکہ خطے کو بڑھتے موسمیاتی خطرات سے محفوظ بنایا جا سکے