پندرہ سوویں سالِ ولادتِ نبی کریم ﷺ، نیشنل بک فائونڈیشن کراچی میں نعتیہ مشاعرہ

اتوار 7 ستمبر 2025 17:25

کراچی(اُردو پوائنٹ اخبارتازہ ترین - این این آئی۔ 07 ستمبر2025ء)نبی اکرم حضرت محمد مصطفی ﷺ کی ولادتِ باسعادت کے پندرہ سوویں سال کی مناسبت سے نیشنل بک فانڈیشن، ریجنل آفس کراچی کے زیرِاہتمام ایک پروقار نعتیہ مشاعرے کا انعقاد کیا گیا'جس میں ملک کے نامور شعرا اور معزز مہمانان نے شرکت کی نعتیہ مشاعرہ کی صدارت ملک ممتاز شاعر فیروز ناطق خسرو نے کی جبکہ عقیل عباس جعفری (تمغہ امتیاز)اور سید معراج جامی مہمان خصوصی تھے، نظامت کے فرائض سید عبد الباسط نے بہ خوبی انجام دیی, محمد یوسف صدیقی نے تلاوتِ کلامِ پاک اور حمد سے محفل کا آغاز کیا معروف نعت خوان قیصر کمال نے نعتیہ کلام سنایا اور محفل میں ایک سماں باندھ دیا اس موقع پر شعرائے کرام نے اپنے خوبصورت نعتیہ کلام سے محفل کو معطر کیا جن میں افسر علی افسر، ڈاکٹر فہیم شناص کاظمی، نصیر سومرو، ہما عزمی، عذمہ اسماعیل، حمیدہ کشش, کشور عروج اور دیگر شعرا نے اپنے کلام سے محفل کو وقار بخشا صدر محفل نے کہا کہ حضور اکرم ﷺ کی سیرت اور نعتیہ ادب معاشرے کی روحانی و اخلاقی تربیت کے لیے ایک روشن ذریعہ ہے اس موقع پر تمام مہمانان خصوصی اور شرکا بلخصوص ڈاکٹر کامران جہانگیر، منیجنگ ڈائریکٹر نے نیشنل بک فانڈیشن کا شکریہ ادا کرتے ہوئے کہا کہ ان کی سرپرستی اور رہنمائی سے یہ تاریخی اور روح پرور پروگرام ممکن ہوا یہ تقریب نیشنل بک فانڈیشن کراچی کی تاریخ میں ایک اہم سنگِ میل ثابت ہوگی جس پر شرکائے محفل نے دلی مسرت اور اطمینان کا اظہار کیا۔