قطری وزیرِ اعظم کی جانب سے فلسطینی ریاست کی حمایت کا اعادہ

تل ابیب کو غزہ کی پٹی میں بلاتعطل امداد پہنچانے کی اجازت دینی چاہیے،شیخ محمد

پیر 8 ستمبر 2025 12:05

دوحہ (اُردو پوائنٹ اخبارتازہ ترین - این این آئی۔ 08 ستمبر2025ء)قطر کے وزیرِ اعظم شیخ محمد بن عبدالرحمن آلِ ثانی نے اتوار کے روز دوحہ میں فلسطین کے نائب صدر حسین الشیخ سے ملاقات کی جس میں مقبوضہ فلسطینی علاقوں میں ہونے والی پیش رفت پر تبادل خیال کیا گیا۔

(جاری ہے)

میڈیارپورٹس کے مطابق اس ملاقات میں غزہ کی پٹی اور مغربی کنارے میں تازہ ترین پیش رفت بشمول جارحیت میں اضافے، جبری نقلِ مکانی اور (اسرائیل کی) نوآبادیاتی توسیع کے منصوبے پر تبادل خیال کیا گیا۔شیخ محمد نے یہ بھی کہا کہ تل ابیب کو غزہ کی پٹی میں بلاتعطل امداد پہنچانے کی اجازت دینی چاہیے۔انہوں نے دو ریاستی حل اور مشرقی یروشلم کے دارالحکومت والی ایک آزاد فلسطینی ریاست کے قیام کے لیے قطر کی حمایت کا اعادہ کیا۔