محسود، برکی قبائل اور سکیورٹی فورسز کا تاریخی کنونشن باہمی اعتماد و تعاون کی روشن مثال

فرنٹیئر کور خیبر پختونخوا (ساؤتھ) کا علاقائی ترقی و خوشحالی میں کلیدی کردار ہے‘رپورٹ

پیر 8 ستمبر 2025 13:15

جنوبی وزیرستان(اُردو پوائنٹ اخبارتازہ ترین - این این آئی۔ 08 ستمبر2025ء) محسود اور برکی قبائل کے نوجوانوں اور سکیورٹی فورسز کے درمیان ہونے والے تاریخی یوتھ کنونشن کے نتائج سامنے آگئے جبکہ یوتھ کنونشن باہمی اعتماد اور تعاون کی روشن مثال ہے۔رپورٹ کے مطابق فرنٹیئر کور خیبر پختونخوا (ساؤتھ) کا علاقائی ترقی و خوشحالی میں کلیدی کردار ہے۔

(جاری ہے)

انسپکٹر جنرل ایف سی ساؤتھ کی خصوصی ہدایات پر کیڈٹ کالج اسپینکئی کے قریب متبادل سڑک کی تعمیر کا آغاز ہو چکا ہے، نئی سڑکیں تعلیم، صحت اور تجارت تک رسائی کے ساتھ ساتھ سماجی و معاشی ترقی میں اہم کردار ادا کریں گی۔

مقامی لوگوں نے اس عوام دوست اقدام کو خوش آئند قرار دیا۔فرنٹیئر کور خیبر پختونخوا (ساؤتھ) نے مستقبل میں بھی عوامی خدمت اور فلاح و بہبود کے لئے عملی اقدام جاری رکھنے کے عزم کا اظہار کیا۔