Live Updates

وزیراعلی سندھ کی کراچی میں حالیہ بارش سے 4 اموات کی تصدیق

بدھ 10 ستمبر 2025 21:02

کراچی(اُردو پوائنٹ اخبارتازہ ترین - این این آئی۔ 10 ستمبر2025ء)وزیراعلی سندھ مراد علی شاہ نے کراچی میں گزشتہ روز سے جاری بارش سے 4 اموات کی تصدیق کردی ہے۔وزیراعلی سندھ سید مراد علی شاہ نے شاہراہ بھٹو کا دورہ کیا،اورملیرندی کاجائزہ لیا،میڈیا سے گفتگو میں انہوں نے کہا لیاری ندی میں کافی پانی آیا ہے،بدھ کو شہرکے مختلف علاقوں کا دورہ کیا،کیرتھرکی پہاڑیوں سے بارش کاپانی تھڈوڈیم سیاوورفلوہوا،صورتحال ابھی قابو میں ہے۔

(جاری ہے)

مرادعلی شاہ نے کہاکہ افسوس ہوتا ہے ان لوگوں پرجو بلاوجہ تنقید کرتے ہیں،تنقید لسانی بنیادپربالکل نہیں ہونی چاہیے، کوشش کریں گے اپنی کوتاہیوں سے سبق سیکھیں،مئیرکراچی ساری رات سڑکوں پررہے، کل بلاول کے ساتھ سکھراورگڈوبیراج کا معائنہ کیاتھا،سیلاب کے حوالے سے ہماری تیاری پوری ہے،کراچی میں 7ستمبرسے بارشوں کی پیشگوئی تھی،پورے سندھ میں بارشیں ہورہی ہیں۔کراچی میں طوفانی بارش کے بعد سیلابی صورتحال کے باعث تھڈوڈیم بھرگیا،میئر کراچی مرتضی وہاب نے رات بھرشہر کے مختلف علاقوں کا دورہ کیا اوربتایا کہ چیف سیکرٹری کے ذریعے پاک فوج سے مدد کی درخواست کی ہے،جس کے بعد پاک فوج کے دستے بھی موقع پر پہنچ گئے،اور ریسکیو آپریشن شروع کردیا۔