ڈسٹرکٹ ایمرجنسی آفیسر ایبٹ آباد نے ہفتہ وار کارکردگی رپورٹ جاری کر دی

پیر 8 ستمبر 2025 15:07

ایبٹ آباد (اُردو پوائنٹ اخبارتازہ ترین - اے پی پی۔ 08 ستمبر2025ء) ڈسٹرکٹ ایمرجنسی آفیسر ایبٹ آباد جان محمد آفریدی نے ہفتہ وار کارکردگی رپورٹ جاری کر دی۔ ترجمان ریسکیو 1122ایبٹ آباد کے مطابق ریسکیو کنٹرول روم کو گزشتہ ہفتے 7400 کالز موصول ہوئیں جن میں سے110 ایمرجنسی کالز تھیں جس کے نتیجے میں 94 متاثرہ افراد کو ریسکیو کیا گیا۔

(جاری ہے)

گزشتہ ہفتے 11 ٹریفک حادثات، 82 میڈیکل ایمرجنسیز، 4 آگ لگنے کے واقعات جبکہ 15 متفرق (ریکوری) ایمرجنسیز پیش آئیں۔

ان تمام حادثات میں 6 افراد جاں بحق ہوئے۔ 31 مریضوں کو بہتر طبی سہولیات کے حصول کے لیے ریفرل ایمرجنسی کے تحت مختلف ہسپتالوں میں منتقل کیا گیا۔ ڈسٹرکٹ ایمرجنسی آفیسر جان محمد آفریدی نے ریسکیو اہلکاروں کی کارکردگی کو سراہا اور احکامات جاری کئے کہ کسی بھی ایمرجنسی میں شہریوں کو بروقت بہترین ریسکیو سروس فراہم کریں۔