بارشوں کا سلسلہ تھم چکا ہے ،اب پنجاب میں شدید بارش کا امکان نہیں ہے ،ڈی جی پی ڈی ایم اے

لاہور (اُردو پوائنٹ اخبارتازہ ترین - اے پی پی۔ 09 ستمبر2025ء) ڈی جی پی ڈی ایم اے عرفان کاٹھیا نے کہا ہے کہ مون سون کا دسواں اسپیل اختتام پذیر ،اب پنجاب میں شدید بارش کا امکان نہیں ہے ۔ ان خیالات کا اظہار انہوں نے منگل کے روز یہاں پریس کانفرنس سے خطاب کرتے ہوئے کیا ۔ڈی جی عرفان علی کاٹھیا نے کہا کہ سیلابی پانی اب سائوتھ پنجاب میں داخل ہوچکا ہے،انڈیا کی جانب سے ستلج میں ہائی فلڈ کا الرٹ آیا ہے ،اس وقت گنڈا سنگھ سے دولاکھ 53 ہزار کا ریلہ گزر چکا ہے۔

ڈی جی نے کہا کہ انڈیا کے تھیم ڈیم میں گیارہ فٹ کی سطح نیچے آگئی ہے،راوی میں چونتیس ہزار کیوسک پانی رسیو ہورہا ہے۔ انہوں نے کہا کہ قصور میں پانی تین لاکھ گیارہ سے دولاکھ 53 پر آگیا ہے جبکہ آئندہ ایک دو روز میں نارمل سطح پر آجائے گا۔

(جاری ہے)

ڈی جی نے کہا کہ تینوں دریائوں میں اب کوئی سیلابی ریلے کی آمد متوقع نہیں ،بارشوں کا سلسلہ تھم چکا ہے ۔

انہوں نے کہا کہ چار سے پانچ دنوں میں دیہات بھی نارمل کی طرف جانا شروع ہو ں گے ۔انہوں نے کہا کہ تریموں پر تین لاکھ کا ریلہ جس میں بھی کمی آرہی ہے۔پنجند میں اس وقت تین لاکھ سے زائد کا ریلہ گزر رہا ہے ،گدوکے مقام پر چار لاکھ سے زائد کا کیوسک ریلہ ہے ۔انہوں نے کہاکہ بتیس سے زائد گائوں اس وقت پانی ہے ۔گجرات اور نارووال سائیڈ سے لوگ کیمپوں سے گھروں میں جار رہے ہیں ،حکومتی کیمپوں میں اب بھی اسی ہزار لوگ رہائش پذیر ہیں۔

انہوں نے کہا کہ ڈھائی لاکھ لوگ میڈیکل کیمپ سے سہولیات حاصل کر چکے یں جبکہ 21لاکھ سے زائد لوگوں کو محفوظ مقامات پر منتقل کیا جا چکا ہے ۔انہوں نے کہا کہ پنجاب میں 66 قیمتی جانوں کا نقصان ہو ا جبکہ ساڑھے انیس لاکھ ایکڑ زرعی رقبے کا نقصان ہوا۔ انہوں نے کہا کہ سائوتھ پنجاب میں پانی کے تیز بہا کے باعث مشکلات کا سامنا رہا ہے ،پنجاب کی تاریخ میں یہ پانی کے بڑے ریلے آئے ہیں۔

انہوں نے کہا کہ جلالپور پیر والا سے ستائیس سو لوگوں کو محفوظ مقامات پر منتقل کیا گیا ۔ابھی بھی ستر کے قریب کشتیاں جلالپور پیر والہ میں موجود ہے ۔انہوں نے کہا کہ پنجاب کی تاریخ کا سب سے بڑا ریسکیو آپریشن ہوا جس میں افواج پاکستان ریسکیو اور حکومتی ادارے شریک ہوئے ۔انہوں نے مزید کہا کہ گزشتہ چوبیس گھنٹوں میں بارش کے باعث چھت گرنے ایک بچی جان بحق ہوئی ۔ انہوں نے کہا کہ چیف منسٹر پنجاب کی تاریخ کو بڑے ریلیف پیکج کا اعلان کریں گی۔