ٹ*ڈی آئی جی ٹریفک کا ڈرائیونگ لائسنس میں شفافیت کے اقدامات کا اعلان

پیر 8 ستمبر 2025 19:55

لاہور(اُردو پوائنٹ اخبارتازہ ترین - آن لائن۔ 08 ستمبر2025ء) ڈرائیونگ لائسنس میں شفافیت لانے کے لیے ڈی آئی جی ٹریفک وقاص نذیر نے سخت اقدامات کا اعلان کیا ہے۔ اب ڈرائیونگ لائسنس ٹیسٹنگ سنٹرز کے کیمرے بند نہیں ہوں گے اور ویڈیو شواہد کے بغیر کسی بھی لائسنس کا اجرا نہیں کیا جائے گا۔

(جاری ہے)

ڈی آئی جی کے مطابق لائسنس کے حوالے سے ٹیسٹنگ سنٹرز کا بیک اپ پہلے 15 دن کا ہوتا تھا، جس کی وجہ سے بہت ساری خامیوں اور شکایات کے خلاف کارروائی ممکن نہیں ہوتی تھی۔

اب تمام سنٹرز سے آنے والی ویڈیوز کا بیک اپ لائف ٹائم ہوگا اور سیف سٹیز کے ڈیٹا سنٹر کے ساتھ منسلک کر دیا گیا ہے۔وقاص نذیر نے مزید کہا کہ سفارشی اور نان ٹرینڈ ڈرائیورز کے لائسنس بننا ممکن نہیں ہوں گے، اور رواں ماہ آرٹیفیشل انٹیلی جنس سسٹم کے تحت ڈرائیونگ ٹیسٹ شروع کیا جائے گا۔ گاڑی میں موجود کیمرے اور سنسرز غلطیوں کی خود نشاندہی کریں گے، جس سے شفاف اور مؤثر ٹیسٹنگ ممکن ہوگی۔