وفاقی وزیر برائے آئی ٹی و ٹیلی کمیونی کیشن شزا فاطمہ خواجہ سے آذربائیجان کے چیئرمین ایس اے پی ایس ایس آئی الوی مہدیئیو کی ملاقات

-پاکستان میں ڈیجیٹل اصلاحات اور آسان خدمت مراکز کے قیام سے متعلق تفصیلی تبادلہ خیال آذربائیجان کے ماڈل پر مبنی آسان خدمت مراکز پاکستان میں متعارف ہوں گے، شزا فاطمہ خواجہ

پیر 8 ستمبر 2025 21:10

اسلام آباد (اُردو پوائنٹ اخبارتازہ ترین - آن لائن۔ 08 ستمبر2025ء) وفاقی وزیر برائے آئی ٹی و ٹیلی کمیونی کیشن شزا فاطمہ خواجہ سے آذربائیجان کے چیئرمین ایس اے پی ایس ایس آئی (SAPSSI) الوی مہدیئیو نے اہم ملاقات کی، جس میں پاکستان میں ڈیجیٹل اصلاحات اور آسان خدمت مراکز کے قیام سے متعلق تفصیلی تبادلہ خیال کیا گیا۔ملاقات کے دوران وزیر آئی ٹی شزا فاطمہ خواجہ نے کہا کہ وزیر اعظم پاکستان کے وڑن کے مطابق ملک میں عالمی معیار پر مبنی سروس ماڈل متعارف کرایا جائے گا، جو عوام کو تیز، مؤثر اور شفاف خدمات کی فراہمی کو یقینی بنائے گا۔

آذربائیجان کے چیئرمین ایس اے پی ایس ایس آئی الوی مہدیئیو نے پاکستان کے ساتھ تعاون پر آمادگی ظاہر کرتے ہوئے کہا کہ آذربائیجان میں اس وقت 400 سے زائد "آسان خدمت مراکز" کامیابی سے فعال ہیں، جبکہ 99.9 فیصد عوام ان مراکز کی کارکردگی سے مطمئن ہیں۔

(جاری ہے)

شزا فاطمہ خواجہ نے کہا کہ پاکستان میں سیاسی عزم، ڈیجیٹل تیاری اور قومی شناختی نظام کی انٹیگریشن جیسے عوامل موجود ہیں، جو آذربائیجان کے ماڈل کو یہاں نافذ کرنے کے لیے نہایت موزوں ہیں۔

انہوں نے مزید کہا کہ آذربائیجان کا سروس ماڈل عوامی خدمات میں انفرادیت کا عملی مظاہرہ ہے، جس سے پاکستان بھی فائدہ اٹھا سکتا ہے۔ملاقات میں آذربائیجان کی جانب سے سفیر خضر فرحادوف، سیکنڈ سیکریٹری بہبود گدالی اور دیگر حکام شریک تھے، جبکہ پاکستان کی جانب سے سیکریٹری آئی ٹی، ایڈیشنل سیکریٹری آئی ٹی اور وزارت کے سینئر افسران موجود تھے۔یہ ملاقات دونوں ممالک کے درمیان ڈیجیٹل تعاون کو فروغ دینے اور عوامی خدمات کے معیار کو بہتر بنانے کے لیے ایک اہم پیش رفت قرار دی جا رہی ہی