وزیر اطلاعات پنجاب عظمیٰ بخاری کی تحریک انصاف کے غنڈوں کی جانب سے صحافی پر تشددکی شدید مذمت

پیر 8 ستمبر 2025 23:30

لاہور (اُردو پوائنٹ اخبارتازہ ترین - اے پی پی۔ 08 ستمبر2025ء) وزیر اطلاعات و ثقافت پنجاب عظمیٰ بخاری نےاڈیالہ جیل کے باہرتحریک انصاف کے کارکنوں کی جانب سے صحافی پر تشدد کی سخت الفاظ میں مذمت کی ہے۔انہوں نے کہا کہ جائیدادوں سے متعلق سوال پوچھنے پر صحافی کو پہلے دھمکیاں دی گئیں، پھر منصوبہ بندی کے تحت تشدد کیا گیا۔

(جاری ہے)

عظمیٰ بخاری نے بتایا کہ پہلے صحافی کی تصاویر سوشل میڈیا پر شیئر کرکے اکسایا گیا، پھر باقاعدہ پلان کے تحت حملہ کیا گیا۔

انہوں نے کہا کہ صحافیوں کو دھمکایا جاتا ہے کہ اگر ان کے حق میں بات نہیں کرو گے تو پہلے سوشل میڈیا پر گالیاں دی جائیں گی اور پھر تشدد کیا جائے گا۔ انہوں نے بتایا کہ نعیم پنچوتھہ کی موجودگی میں یہ تشدد ہوا، جو خود اس سارے معاملے کے پسِ پردہ کردار ہیں۔عظمیٰ بخاری نے کہا کہ ایسے غنڈہ عناصر کو سیاسی کارکن یا سیاسی جماعت کے نمائندے ثابت کرنے پر بضد صحافیوں کو سلام پیش کرتی ہوں۔