الیکشن کمیشن نے ارکانِ پارلیمنٹ کے اثاثوں اور واجبات کے گوشواروں کی تفصیلات مانگ لیں

منگل 9 ستمبر 2025 16:47

اسلام آبا د(اُردو پوائنٹ اخبارتازہ ترین - این این آئی۔ 09 ستمبر2025ء)الیکشن کمیشن نے ارکانِ پارلیمنٹ و صوبائی اسمبلی کے اثاثوں اور واجبات کے گوشواروں کی تفصیلات مانگ لیں۔

(جاری ہے)

الیکشن کمیشن کے مطابق مالی سال 25-2024 کے گوشواروں کی تفصیلات جمع کرانے کی آخری تاریخ 31 دسمبر مقرر ہے، ممبران اپنے بشمول شریک حیات و زیر کفالت بچوں کے اثاثوں کے گوشواروں کی تفصیلات جمع کرائیں۔

الیکشن کمیشن کی جانب سے کہا گیا کہ مقررہ تاریخ تک مطلوبہ گوشوارے جمع نہ کروانے والوں کے نام یکم جنوری کو شائع ہوں گے اور 15 جنوری تک گوشوارے جمع نہ کرانے والے ارکانِ پارلیمنٹ و صوبائی اسمبلیز کی رکنیت معطل کردی جائے گی۔الیکشن کمیشن کے مطابق گوشواروں میں غلط معلومات فراہم کرنے کے مرتکب ارکان کے خلاف کارروائی ہوگی۔