Live Updates

سیلاب ، بارشوں سے مزید 5شہری جاں بحق، تداد 927 ہوگئی

گزشتہ 24 گھنٹوں کے دوران 26گھروں کو نقصان پہنچا، این ڈی ایم اے

منگل 9 ستمبر 2025 20:58

سیلاب ، بارشوں سے مزید 5شہری جاں بحق، تداد 927 ہوگئی

اسلام آباد (اُردو پوائنٹ اخبارتازہ ترین - این این آئی۔ 09 ستمبر2025ء)رواں سال سیلاب اور بارشوں کے نتیجے میں اموات کی تعداد 927 تک پہنچ گئی ہے۔این ڈی ایم اے کے مطابق گزشتہ 24 گھنٹوں کے دوران مزید 5 افراد جاں بحق اور دو بچے زخمی ہوگئے۔ جاں بحق ہونے والے تمام پانچ افراد کا تعلق سندھ سے تھا، جبکہ زخمی ہونے والے دونوں بچے سکھر کے رہائشی ہیں ۔ ایک دن میں بارشوں اور سیلاب کے باعث 26 گھروں کو بھی نقصان پہنچا۔

(جاری ہے)

رپورٹ کے مطابق 26 جون سے اب تک مجموعی طور پر 927افراد جاں بحق اور ایک ہزار 49 زخمی ہوچکے ہیں، سب سے زیادہ خیبرپختونخوا میں 504اموات ہوئیں۔ رپورٹ کے مطابق پنجاب میں جاں بحق ہونے والوں کی تعداد 244، سندھ میں 65 اور بلوچستان میں 26 ہے۔ گلگت بلتستان میں حالیہ بارشوں اور سیلاب سے 41 ، آزاد کشمیر میں 38اور اسلام آباد میں 9 افراد جاں بحق ہوئے۔این ڈی ایم اے کے مطابق اب تک بارشوں اور سیلاب سے مجموعی طور پر 7 ہزار 877 گھروں کو نقصان پہنچا جبکہ 6ہزار 109 مویشی ہلاک ہوئے۔ 671 کلومیٹر سڑکیں اور 239 پل بھی تباہ ہوئے ہیں۔