آزاد جموں وکشمیر کے وزیراعظم کا ایس ایس جی کمانڈو میجر عدنان اسلم شہید کوخراج عقیدت

منگل 9 ستمبر 2025 18:57

مظفرآباد (اُردو پوائنٹ اخبارتازہ ترین - اے پی پی۔ 09 ستمبر2025ء) آزادجموں وکشمیر کے وزیراعظم چوہدری انوارالحق نے ایس ایس جی کمانڈو میجر عدنان اسلم کی شہادت پر انہیں خراج عقیدت پیش کیا ہے ۔

(جاری ہے)

اپنے خصوصی بیان میں وزیراعظم نے کہا کہ میجر عدنان اسلم نے بہادری کی اعلیٰ مثال قائم کی ، میجر عدنان بنوں حملے میں شدید زخمی ہو گئے تھے اورتین دن سی ایم ایچ راولپنڈی میں زیر علاج رہنے کے بعد شہادت کے رتبے پر فائز ہوئے ، میجر عدنان نے بنوں آپریشن کے دوران اپنے ساتھی کو بچاتے ہوئے زخمی ہوئے تھے وزیراعظم آزاد کشمیر نے کہا کہ وطن کا یہ بہادر سپوت ہمیشہ یاد رکھا جائے گا۔

‏پوری قوم اپنے اس بہادر بیٹے کو سلام پیش کرتی ہے۔میجر عدنان اسلم کی بہادری ، ہمت اور خدمت نسلوں تک یاد رکھی جائے گی۔