Live Updates

پنجاب یونیورسٹی کے اساتذہ وملازمین سیلاب زدگان کی امدادکیلئے ایک دن کی تنخواہ وقف کریں گے

بدھ 10 ستمبر 2025 23:21

لاہور (اُردو پوائنٹ اخبارتازہ ترین - این این آئی۔ 10 ستمبر2025ء)پنجاب یونیورسٹی انتظامیہ کی ہدایت پر اساتذہ و ملازمین سیلاب زدگان کی امداد کے لئے ایک دن کی تنخواہ رضاکارانہ طور پر وقف کریں گے۔ ترجمان کے مطابق پنجاب یونیورسٹی سیلاب سے متاثرہ طلبائو طالبات کی فیس میں رعائیت دے گی۔

(جاری ہے)

متاثرین کی ذہنی صحت کی بحالی کے لئے پنجاب یونیورسٹی خدمات فراہم کرے گی۔ یونیورسٹی سیلاب متاثرین اساتذہ، افسران اور ملازمین کو بحالی تک مفت رہائش فراہم کرے گی۔ پنجاب یونیورسٹی سیلاب سے متاثرہ گھروں کی مرمت میں بھی امداد فراہم کرے گی ۔پنجاب یونیورسٹی معروف این جی اوز کے ساتھ مل کر سیلاب زدگان کی بحالی میں کردار ادا کرے گی۔