جہلم‘ ملزمان کی مبینہ فائرنگ، سرچ آپریشن کے دوران پکڑے گئے 2 زخمی ملزمان ہلاک

حملہ آور فائرنگ کرتے ہوئے قریبی پہاڑی علاقے میں فرار ہو گئے‘پولیس کا دعوی

بدھ 10 ستمبر 2025 22:01

جہلم (اُردو پوائنٹ اخبارتازہ ترین - این این آئی۔ 10 ستمبر2025ء)جہلم کے علاقے ڈھوک منور کے قریب کاؤنٹر ٹیررازم ڈپارمنٹ (سی سی ڈی) کی ٹیم پر ملزمان کی جانب سے مبینہ فائرنگ کی گئی، حملہ آور فائرنگ کرتے ہوئے قریبی پہاڑی علاقے میں فرار ہو گئے۔

(جاری ہے)

پولیس کے مطابق ملزمان کی فائرنگ سے سرچ آپریشن کے دوران پکڑے گئے دو زخمی ملزمان اسپتال پہنچنے سے پہلے ہلاک ہو گئے۔پولیس نے کہا کہ ہلاک ملزمان پر دو روز قبل 4 افراد کو قتل کرنے کا الزام تھا۔سی سی ڈی کے مطابق ملزمان پر میاں بیوی کو 2 بیٹوں سمیت گھر میں قتل کرنے کا الزام تھا۔