لاہور ،پراپرٹی ڈیلر کے قتل کا ڈراپ سین، مقتول کا سالہ ہی قاتل نکلا

ملزمان نے 20ملین روپے ہتھیانے کے لیے شہری ارشاد کو فائرنگ کر کے قتل کیا تھا

جمعرات 11 ستمبر 2025 13:06

لاہور ،پراپرٹی ڈیلر کے قتل کا ڈراپ سین، مقتول کا سالہ ہی قاتل نکلا

لاہور (اُردو پوائنٹ اخبارتازہ ترین - این این آئی۔ 11 ستمبر2025ء) نشتر کالونی میں پراپرٹی ڈیلرکے اندھے قتل کا معمہ حل ہو گیا، پولیس نے مقتول کے سالے سمیت دو ملزمان کو گرفتار کر لیا۔ترجمان پولیس کے مطابق انچارج انویسٹی گیشن نے ٹیم کے ہمراہ 24گھنٹوں کے اندر ملزمان کو گرفتار کیا۔ ابتدائی تحقیقات میں انکشاف ہوا کہ ملزمان نے 20ملین روپے ہتھیانے کے لیے شہری ارشاد کو فائرنگ کر کے قتل کیا تھا۔

(جاری ہے)

ایس پی ڈاکٹر ایاز کے مطابق مرکزی ملزم نے اپنے ساتھی کے ساتھ مل کر قتل کا منصوبہ بنایا جبکہ واردات کے بعد اس کا ساتھی موقع سے فرار ہو گیا تھا۔ حیران کن طور پر مرکزی ملزم مقتول کے بہنوئی ہونے کے ساتھ ساتھ قتل کی ایف آئی آر درج کروانے، تدفین اور دیگر معاملات میں بھی پیش پیش رہا۔پولیس کے مطابق مرکزی ملزم نے ایف آئی آر میں موقع کا گواہ بننے کی بھی کوشش کی تاکہ شک اس پر نہ آئے۔