انٹرمیڈیٹ آرٹس اور کامرس پرائیویٹ کے اسکروٹنی فارم 12ستمبر سے 13اکتوبر تک وصول کیے جائیں گے

جمعرات 11 ستمبر 2025 20:01

کراچی (اُردو پوائنٹ اخبارتازہ ترین - اے پی پی۔ 11 ستمبر2025ء) اعلیٰ ثانوی تعلیمی بورڈ کراچی نے اعلان کیا ہے کہ انٹرمیڈیٹ آرٹس پرائیویٹ اور کامرس پرائیویٹ گروپس کے سالانہ امتحانات برائے 2025 کے اسکروٹنی فارم جمعہ 12ستمبر سے پیر 13اکتوبر 2025 تک وصول کیے جائیں گے۔جمعرات کو جاری اعلامیہ کے مطابق اسکروٹنی کروانے کے خواہشمند طلبا ء اپنے اسکروٹنی فارم فی پرچہ 1000روپے فیس کے ساتھ درج بالا تاریخوں میں انٹربورڈ میں واقع یونائیٹڈ بینک لمیٹڈ (UBL)کے بوتھ میں جمع کرواسکتے ہیں۔

(جاری ہے)

یاد رہے کہ انٹربورڈ کراچی نے طلبا ء کی مشکلات کے پیش نظر کراچی میں UBLکی تمام برانچوں میں فیس جمع کروانے کی سہولت بھی متعارف کروائی ہوئی ہے، طلباء اسکروٹنی فارم اور فیس واؤچر انٹربورڈ کی ویب سائٹ www.biek.edu.pk سے ڈائون لوڈ کر کے UBL کی کسی بھی برانچ میں اکانٹ نمبر UBL-CMA-252536591 میں فی پرچہ 1000 روپے فیس جمع کرواسکتے ہیں جبکہ جمع کرائی گئی فیس کا واچر اور اپنا فارم بورڈ کے متعلقہ سیکشن میں جمع کروانا ہوگا۔علاوہ ازیں درج بالا گروپس کی مارک شیٹس امیدواروں کی جانب سے دیئے گئے پتوں پرروانہ کردی گئی ہیں۔

Facebook Twitter Google + Share on Whatsapp

انٹرمیڈیٹ آرٹس اور کامرس پرائیویٹ کے اسکروٹنی فارم 12ستمبر سے 13اکتوبر تک وصول کیے جائیں گے

متعلقہ عنوان :

مزید تعلیم کی خبریں