شاہراہ بھٹو سے متعلق ٹیکنیکل ٹیم کی تجاویز پر حتمی فیصلہ وزیرِاعلی سندھ کریں گی: ڈپٹی میئر کراچی

جمعہ 12 ستمبر 2025 13:12

کراچی(اُردو پوائنٹ اخبارتازہ ترین - این این آئی۔ 12 ستمبر2025ء)ڈپٹی میئر کراچی سلمان عبداللہ مرادنے کہاہے کہ شاہراہ بھٹو پر قائدآباد سے ایم نائن تک کام چل رہا ہے۔شاہراہ بھٹو پر جام گوٹھ کے قریب مسئلہ ہوا، معاملے کا ٹیکنیکل ٹیم نے معائنہ کیا، ٹیم کی تجاویز پر وزیرِاعلی سندھ حتمی فیصلہ کریں گے۔

(جاری ہے)

انہوں نے بتایا کہ کورنگی کاز وے ملیر ندی کے پانی کی وجہ سے بند کیا گیا، عوام کو جام صادق پل سے گزارا جا رہا ہے، جلدکاز وے کو کھول دیا جائے گا، کاز وے کو بھی شاہراہ بھٹو کے ساتھ جوڑا جائے گا۔

ڈپٹی میئر نے بتایا کہ ایس ایس جی سی نے لائن ڈالنے کے لیے تمام ٹائونز سے این او سی لیے، جس ٹائون کو روڈ کٹنگ کی مد میں پیسے ملے ہیں ان کی ذمہ داری ہے کہ وہ سڑکیں تعمیر کریں۔انہوں نے کہا کہ پچھلی بار کے ایم سی کے کام میں ایک ایشو آیا تو میئر نے متعلقہ عملے کو معطل کیا۔