ساف انڈر 17 فٹبال چیمپئن شپ کیلئے پاکستانی اسکواڈ کا اعلان

ساف انڈر 17 چیمپئن شپ سری لنکا میں 15 سے 27 ستمبر تک کھیلی جائیگی

جمعہ 12 ستمبر 2025 14:15

اسلام آباد (اُردو پوائنٹ اخبارتازہ ترین - این این آئی۔ 12 ستمبر2025ء)ساف انڈر 17 چیمپئن شپ سری لنکا میں 15 سے 27 ستمبر تک کھیلی جائیگی اس ضمن میں پاکستان فٹبال فیڈریشن نے سری لنکا میں 15 سے 27 ستمبر تک ہونے والی ساف انڈر 17 چیمپئن شپ 2025 کے لیے قومی اسکواڈ کا اعلان کر دیا۔ ہیڈ کوچ سید ناصر اسماعیل نے حتمی اسکواڈ کی منظوری دی۔

(جاری ہے)

اسکواڈ میں گول کیپرز سمر رزاق، خلیل جبران اور عادل علی خان، ڈیفینڈرز ندیم حسین، محمد عالم، محمد مسعود، محمد زبیر، شاہد انجم، عابث رضا اور عزیزاللہ شامل ہیں۔

مڈ فیلڈرز مصطفی اصرار، عبدالصمد، ابراہیم آصف، محمد طلحہ، ہارون رشید، محمد عیسیٰ اور سعد ٹوانہ، فارورڈز محمد عبداللہ، منصور احمد، حسنین ولی رضا، محمد اویس، حمزہ یاسر اور سید شہرام بھی اسکواڈ کا حصہ ہیں۔پاکستانی ٹیم اپنا پہلا میچ 16 ستمبر کو بھوٹان کے خلاف کھیلے گی، دوسرا میچ 19 ستمبر کو مالدیپ کے خلاف جبکہ گروپ مرحلے کا آخری میچ 22 ستمبر کو بھارت کے خلاف شیڈول ہے۔