وزیر ریلوے محمد حنیف عباسی کا 1965ء کی جنگ کے ہیرو میجر عزیز بھٹی شہید کو زبردست خراجِ عقیدت

جمعہ 12 ستمبر 2025 14:51

اسلام آباد (اُردو پوائنٹ اخبارتازہ ترین - این این آئی۔ 12 ستمبر2025ء)وفاقی وزیر ریلوے محمد حنیف عباسی نے 1965ء کی جنگ کے ہیرو میجر عزیز بھٹی شہید کو زبردست خراجِ عقیدت پیش کرتے ہوئے کہا ہے کہ میجر عزیز لاہور کے شیر تھے جنہوں نے دشمن کے ناپاک عزائم کو خاک میں ملا دیا۔اپنے بیان میں وزیر ریلوے نے کہا کہ میجر عزیز بھٹی شہید کی بہادری آج بھی پاک فوج کے جوانوں کے لیے مشعلِ راہ ہے۔

(جاری ہے)

انہوں نے کہا کہ شہید نے اپنی جان کا نذرانہ دے کر جس بہادری کی تاریخ رقم کی، اس کا نیا باب میجر عدنان نے اپنی جرات سے آگے بڑھایا۔محمد حنیف عباسی نے کہا کہ میجر عزیز سے میجر عدنان تک ہمارے جانبازوں نے ہمیشہ ملک کا دفاع کیا ہے۔ انہوں نے کہا کہ پاک فوج کے جوانوں نے اپنی جانوں کا نذرانہ دے کر پاکستان کی حفاظت کی اور شہدا کی قربانیاں ہی اصل پاکستان کی کہانی ہیں۔