آلو بخارہ غذائی اثرات کے ساتھ ساتھ صحت کے حوالے سے بھی متعدد فوائد کا حامل ہے، حکیم حارث نسیم سدھروی

اتوار 14 ستمبر 2025 11:00

اسلام آباد (اُردو پوائنٹ اخبارتازہ ترین - اے پی پی۔ 14 ستمبر2025ء) جادوئی اثرات کا حامل آلو بخارہ بہت سے طبی فوائد کا حامل ہے۔ حکیم حارث نسیم سدھروی نے اپنی ایک رپورٹ میں کہا ہے کہ موسم گرما کا خوش ذائقہ پھل آلو بخارہ غذائی اثرات کے ساتھ ساتھ صحت کے حوالے سے بھی متعدد فوائد کا حامل ہے، ایک آلو بخارہ میں 30 کیلریز ، 8 کاربو ہائیڈریٹس، ایک گرام فائبر جبکہ 7 گرام وٹامن سی ، اے، کے ، پوٹاشیم ، کاپر اور میگنیز بھی شامل ہوتے ہیں۔

انہوں نے کہا کہ مختلف طبی تحقیقاتی کے مطابق خشک آلو بخارے کا باقاعدگی کے ساتھ استعمال ہڈیوں کے بھربھرے پن کے خطرات کو کم کرتا ہے، اسی طرح تازہ اور خشک آلو بخارہ اینٹی آکسیڈینٹس سے بھرپور ہوتا ہے جو ورم میں کمی لانے ، جسمانی خلیات کو مضر مواد سے تحفظ فراہم کرنے میں مدد کرتا ہے۔

(جاری ہے)

اسی طرح آلو بخارہ میں موجود پولی فینو لز، اینٹی آکسیڈنٹ ، دل کی بیماریوں اور ذیابیطس کے خطرات کو بھی کم کرتے ہیں۔

مزید برآں دیگر پھلوں کے مقابلے میں آلو بخارے میں زیادہ مقدار میں پولی فینولز پائے جاتے ہیں جو طاقتور ورم کش خصوصیات کے حامل ہوتے ہیں۔ رپورٹ کے مطابق آلو بخارہ خون کی کمی کے خاتمے ، پٹھوں کی مضبوطی میں اضافہ اور کولن کینسر کے خطرات کو بھی کم کرنے میں بھی معاون ثابت ہوتا ہے۔حکیم حارث نسیم نے مزید کہا کہ آلو بخارہ بڑی آنت کے کینسر کے باعث ہونے والی سوزش کے خطرات کو کم کرنے کے ساتھ ساتھ جلد کی خوبصورتی میں بھی اضافہ میں معاون ثابت ہوتا ہے۔

انہوں نے کہا کہ آلو بخارہ قدرت کی بہت بڑی نعمت ہے ، اس کا خشک تا تازہ صورت میں استعمال صحت کےلئے انتہائی فائدہ بخش ثابت ہوتا ہے۔ انہوں نے کہا کہ قدیم ماہرین صحت بو علی سینا ، علامہ برہان الدین نفیس، ملا سدیدی، ابن بیطار اور ابن سہل نے بھی آلو بخارہ کے طبی خواص بیان کئے ہیں۔\395

Facebook Twitter Google + Share on Whatsapp

آلو بخارہ غذائی اثرات کے ساتھ ساتھ صحت کے حوالے سے بھی متعدد فوائد کا حامل ہے، حکیم حارث نسیم سدھروی

متعلقہ عنوان :

مزید قومی خبریں