سیالکوٹ پولیس کی جانب سے مسیحی عبادت گاہوں پر سیکیورٹی کے فول پروف انتظامات

اتوار 14 ستمبر 2025 14:40

سیالکوٹ (اُردو پوائنٹ اخبارتازہ ترین - اے پی پی۔ 14 ستمبر2025ء) سیالکوٹ پولیس نے اتوار کے روز مسیحی برادری کی عبادت گاہوں پر فول پروف سیکیورٹی انتظامات کو یقینی بنایا تاکہ امن و امان کی صورتحال برقرار رہے اور شہریوں کو پُرامن ماحول فراہم کیا جا سکے۔پولیس ترجمان کے مطابق ڈسٹرکٹ پولیس آفیسر فیصل شہزاد کی ہدایت پر شہر بھر کے گرجا گھروں اور دیگر مذہبی مقامات پر سیکیورٹی اہلکار تعینات کیے گئے۔

(جاری ہے)

عبادات میں شریک افراد کو جامہ تلاشی کے بعد ہی اندر جانے کی اجازت دی گئی، جبکہ ہر عبادت گاہ کے باہر پولیس اہلکار مستعدی سے اپنی ڈیوٹی سرانجام دیتے رہے۔سینیئر پولیس افسران خود مختلف مقامات پر موجود رہے اور سیکیورٹی انتظامات کا جائزہ لیتے ہوئے موقع پر موجود اہلکاروں کو ضروری ہدایات جاری کرتے رہے۔ ترجمان کے مطابق شہریوں کے جان و مال کا تحفظ پولیس کی اولین ترجیح ہے اور اقلیتی برادری کو مکمل سیکیورٹی فراہم کرنے کے لیے ہر ممکن اقدامات اٹھائے جا رہے ہیں۔