سی ڈی اے مزدور یونین کی سردار طاہر محمود کو اسلام آباد چیمبر آف کامرس کا صدر منتخب ہونے پر مبارکباد

اتوار 14 ستمبر 2025 18:55

اسلام آباد (اُردو پوائنٹ اخبارتازہ ترین - این این آئی۔ 14 ستمبر2025ء) سی ڈی اے مزدور یونین کے جنرل سیکرٹری چوہدری محمد یٰسین، پاکستان ورکرز فیڈریشن کے جنرل سیکرٹری اسد محمود، صدر شوکت علی انجم، چیئرمین چوہدری عبدالرحمان عاصی، مزدور یونین کے صدر اورنگزیب خان، چیئرمین راجہ شاکر زمان کیانی، سپریم ہیڈ مرزا سعید اختر، چیف آرگنائزر محمد عاصم ملک، اظہار عباسی، ایڈیشنل جنرل سیکرٹری محمد سرفراز ملک، محمد رضوان سمیت دیگر عہدیداران نے سردار طاہر محمود کو اسلام آباد چیمبر آف کامرس کا صدر، طاہر ایوب کو سینئر نائب صدر اور عرفان چوہدری کو نائب صدر منتخب ہونے پر دلی مبارکباد پیش کی۔

اس موقع پر سی ڈی اے مزدور یونین کے جنرل سیکرٹری چوہدری محمد یٰسین نے اپنے پیغام میں کہا کہ سردار طاہر محمود کا بطور صدر انتخاب دراصل تاجر برادری کے ان پر غیر متزلزل اعتماد کا مظہر ہے۔

(جاری ہے)

انہوں نے کہا کہ ہمیں یقین ہے کہ سردار طاہر محمود تاجر برادری کے مسائل کے حل، ان کے حقوق کے تحفظ اور شہر کی معاشی ترقی کے لیے مؤثر کردار ادا کریں گے۔

انہوں نے مزید کہا کہ سی ڈی اے مزدور یونین ہمیشہ تاجر برادری اور چیمبر آف کامرس کے شانہ بشانہ کھڑی ہے اور آئندہ بھی اسلام آباد کی خوشحالی، ترقی اور تاجروں کی فلاح و بہبود کے لیے اپنا بھرپور کردار ادا کرتی رہے گی۔ یونین عہدیداران نے اس عزم کا بھی اظہار کیا کہ باہمی تعاون اور اتحاد کے ذریعے اسلام آباد کو ایک مثالی تجارتی و صنعتی مرکز بنایا جائے گا۔