Live Updates

گودی میڈیا ناکام ، پاکستانی و بھارتی شائقین میں دوستی دکھاتا رہا

منگل 16 ستمبر 2025 11:49

نئی دہلی (اُردو پوائنٹ اخبارتازہ ترین - این این آئی۔ 16 ستمبر2025ء)بھارت کے گودی میڈیا کا نفرت سے بھرا پروپیگنڈا ناکام ہوگیا، میچ میں پاکستانی اور بھارتی شائقین میں دوستی دکھاتا رہا۔دبئی میں پاکستان اور بھارتی شائقین ایک ساتھ نظر آئے، دونوں ممالک کے لوگوں میں ہم آہنگی دکھائی دی۔

(جاری ہے)

بھارتی شائقین کا کہنا تھا کہ دونوں ملکوں کے عوام ایک دوسرے کے قریب ہیں، بھارتی ٹیم نے پاکستانی کھلاڑیوں سے ہاتھ نہ ملا کر غلط کیا۔

شائقین کا کہنا تھا کہ پاکستان اور بھارت کے لوگ کرکٹ کو انجوائے کرتے ہیں، ایک نے تو یہ تک کہہ دیا کہ وہ پاکستان آنا چاہتے ہیں۔پاکستان کی میچ میں شکست کے بعد ایک بھارتی نے پاکستانی دوست کا حوصلہ بڑھایا، اسٹیڈیم میں بھارتی فین سدھیر نے چاچا کرکٹ سے ملاقات کی، ہاتھ ملایا اور گلے بھی ملے۔