خضدا ر،لیویز فورس نے موٹر سائیکل چور کینگ کے 2ملزمان گرفتار ،چوری شدہ موٹرسائیکل برآمد

منگل 16 ستمبر 2025 21:38

خضدار(اُردو پوائنٹ اخبارتازہ ترین - این این آئی۔ 16 ستمبر2025ء) خضدا رکے علاقے میں لیویز فورس نے موٹر سائیکل چور کینگ کے 2ملزمان کو گرفتار کرکے چوری شدہ موٹرسائیکل برآمد کرلی۔

(جاری ہے)

لیویز کے مطابق ڈپٹی کمشنر خضدار یاسر اقبال دشتی اور اسسٹنٹ کمشنر خضدار حفیظ اللہ کاکڑ کی ہدایت پر لیویز فورس نے چوروں کے خلاف اہم کارروائی کی لیویز لائن آفیسر نور احمد زہری اور محرر ریاض احمد کی سربراہی میں لیویز سی آئی اے نے مشکوک افراد کی نشاندہی کی اس دوران، باغبانہ لونڈو ایریا میں دو مشتبہ افرادسراج احمد ولد محمد امین، سکنہ نتھوانی باغبانہ صیف اللہ ولد محمد اسحاق، سکنہ نتھوانی باغبانہ کو گرفتار کیا گیا۔

ملزمان کی گرفتاری کے بعد انکے انکشاف پر ان کے ٹھکانے پر چھاپہ مارا گیا جس کے نتیجے میں ایک چوری شدہ موٹرسائیکل برآمد ہوئی دوران تفتیش ملزمان نے باغبانہ کے علاقے سے متعدد چوریوں کا عتراف کیا اور بتایا کہ وہ چوری شدہ موٹرسائیکلیں دوسرے اضلاع میں منتقل کرتے تھے۔لیویز فورس کی مزید تفتیش جاری ہے اور مزید انکشافات اور گرفتاریوں کا امکان ظاہر کیا جا رہا ہے۔