بھارت نے پاکستان کا مقبول گانا بول کفارہ ایک بارپھرچرا لیا

بدھ 17 ستمبر 2025 20:11

ممبئی (اُردو پوائنٹ اخبارتازہ ترین - این این آئی۔ 17 ستمبر2025ء)عادت سے مجبور بھارت نے پاکستان کا مقبول گانا بول کفارہ ایک بار پھر چرا لیا۔بھارتی میڈیا کے مطابق بھارتی گلوکارہ نیہا ککڑ نے گانے کو فلم ایک دیوانے کی دیوانیت کیلئے گایا ہے۔

(جاری ہے)

فلم میں مرکزی کردار بھارتی اداکار ہریش وردھن رہانے اور اداکارہ سونم باجوہ نے ادا کیے ہیں، دلچسپ بات یہ ہے کہ ہریش وردھن ماضی میں پاکستان اور اداکارہ ماورہ حسین کے خلاف بیانات دے چکے ہیں، لیکن آج وہ انہی پاکستانی گانوں پر کام کر رہے ہیں جنہیں بھارت بار بار چرا رہا ہے۔

سونم باجوہ پر فلمائے گئے اس نئے ورژن کے بعد سوشل میڈیا پر پاکستانی عوام نے سخت ردعمل دیا ہے۔ایک صارف نے لکھا کہ پاکستان کو برا بھلا کہو گے لیکن گانے ہمارے ہی چراو? گے، دوسرے نے طنزیہ کہا، ’سونم باجوا یہ گانا آئی اے ایف سے پی اے ایف کے نام کر رہی ہیں‘، جبکہ کئی صارفین نے ہمیشہ کی طرح بالی ووڈ کو کاپی ووڈ قرار دیا۔