Live Updates

وزیر اعلی سندھ کی سابق ایم این اے روشن دین جونیجو کی وفات پر ان کے اہل خانہ سے اظہار تعزیت ، مغفرت کے لیے دعا بھی کی

روشن دین جونیجو ہمارے دیرینہ ساتھی تھے ان کی اچانک موت سے ہمیں صدمہ ہوا،ان کا خلا پر کرنے میں وقت لگے گا، مراد علی شاہ

بدھ 17 ستمبر 2025 20:15

کراچی(اُردو پوائنٹ اخبارتازہ ترین - این این آئی۔ 17 ستمبر2025ء)وزیر اعلی سندھ سید مراد علی شاہ نے ممبر قومی اسمبلی علاالدین جونیجو کے و سابق ایم این اے روشن دین جونیجو کی وفات پر انکے گاں سنجر جونیجو ٹنڈو آدم پہنچ کر ان کے بھائی سابق ایم این اے محمد خان جونیجو اور بیٹے ایم این اے صلاح الدین جونیجو ، غیاث الدین جونیجو سے اظہار تعزیت کیا اور مرحوم کے بلند درجات اور مغفرت کے لیے دعا بھی کی۔

(جاری ہے)

اس موقع پر میڈیا سے بات کرتے ہو ہوئے سید مراد علی شاہ نے کہا کہ روشن دین جونیجو ہمارے دیرینہ ساتھی تھے ان کی اچانک موت سے ہمیں صدمہ ہوا روشن دین جونیجو کا خلا پر کرنے میں وقت لگے گا ہمیں امید ہے مرحوم کے بیٹے صلاح الدین پارٹی امیدوں پر پورا اتریں گے۔ وزیر اعلی سندھ نے ایک سوال کے جواب میں کہا کہ سیلابی صورتحال کنٹرول میں ہے گڈو بیراج پر پانی میں کمی ہونا شروع ہوگیا ہے اور سکھر بیراج کی مکمل نگرانی کی جارہی ہے انشا اللہ ایک دو دن سیلابی ریلا گزر جائے گا۔ اس موقع پر صوبائی وزیر امتیاز شیخ، صوبائی وزیر علی حسن زرداری ، غلام مرتضی جونیجو، ڈپٹی کمشنر سانگھڑ سارہ جاوید ، ایس ایس پی عابد بلوچ سمیت خاندان کے افراد اور پارٹی رہنما و ورکرز کی بڑی تعداد موجود تھی۔