Live Updates

دریائے راوی پر بنی نجی ہائوسنگ سوسائٹی کے متاثرین کو فی کس ایک کروڑ96لاکھ واپس

غیر قانونی نجی سوسائٹی کے متاثرین کو 50 فیصد کیش اور 50 فیصد کا چیک دیا گیا‘ نجی ٹی وی

بدھ 17 ستمبر 2025 21:40

لاہور(اُردو پوائنٹ اخبارتازہ ترین - این این آئی۔ 17 ستمبر2025ء) لاہور میں ملتان روڈ پر دریائے راوی کی زمین پر بنائی گئی مبینہ غیر قانونی نجی ہائوسنگ سوسائٹی کے متاثرین کو 1 کروڑ 96 لاکھ روپے فی کس واپس کردئیے گئے۔

(جاری ہے)

نجی ٹی وی نے ذرائع اینٹی کرپشن پنجاب کے حوالے سے کہا ہے کہ غیر قانونی نجی سوسائٹی کے متاثرین کو 50 فیصد کیش اور 50 فیصد کا چیک دیا گیا، ملزم پر دریا کے اندر 12 ہزار کنال زمین شہریوں کو دھوکے سے بیچنے کا الزام ہے۔

حالیہ سیلاب میں غیر قانونی ہائوسنگ سوسائٹی کے تمام گھر سیلابی پانی میں ڈوب گئے تھے، روڈا اور ایل ڈی اے سے دریائے راوی کی زمین پر غیر قانونی سوسائٹیوں کا ریکارڈ طلب کرلیا گیا۔ذرائع اینٹی کرپشن کا کہنا ہے کہ 400 سے زائد متاثرین نے نجی ہائوسنگ سوسائٹی کے مالک کے خلاف شکایات دیں، غیر قانونی نجی ہاسنگ سوسائٹی کے مالک کے خلاف چالان تیار کر لیا گیا ۔